შალვა პაპუაშვილი - პლებისციტს გავიხილავთ აბსურდად

პლებისციტს გავიხილავთ აბსურდად, - ამის შესახებ საპარლამენტო უმრავლესობის წევრმა შალვა პაპუაშვილმა ჟურნალისტებთან განაცხადა.

კითხვაზე, რამდენად შესაძლებელია არჩევნების საკითხზე მედიაციის პროცესში პოზიციების დაახლოება, პაპუაშვილი აღნიშნავს, რომ მთავარი პრინციპია, რომ მიზეზის გარეშე რიგგარეშე არჩევნების დანიშვნა არის სახელმწიფოს ინტერესის საწინააღმდეგო.

„პლებისციტს გავიხილავთ აბსურდად. მსჯელობა როცა საჯარო იყო, ჩვენ ვამბობდით, რომ უმიზეზო რიგგარეშე არჩევნები არ შეიძლება ვინმეს ინტერესში იყოს. მიზეზს რაც შეეხება, ყველაზე კარგი და მათ შორის, ჩვენი ოპონენტების სასარგებლო წინადადება ჩვენ გავაკეთეთ. როგორც ადამიანურ ურთიერთობებში ისე სამართლებრივად მოქმედებს პრინციპი, რომ ის ვინც აცხადებს პრეტენზიას, მან უნდა ამტკიცოს ამ პრეტენზიის ვალიდურობა. თუკი ვინმე ამბობს, რომ არჩევნები გაყალბდა, მან უნდა დაამტკიცოს, რომ ეს არჩევნები გაყალბდა. ვთქვათ ვერ შეძლეს ამის დამტკიცება, ვინაიდან იმდენი ინსტრუმენტი არ ჰქონდათ - გამოძიება და ა.შ. ჩვენ შევთავაზეთ, რომ მიუხედავად იმისა, რომ 4000- ვე ოქმს მოაწერეთ ხელი, აქ არის საგამოძიებო კომისია და გაქვთ ყველანაირი ინსტუმენტი, ჩათვალეთ, რომ ეს კომისია არის ერთი პროკურატურა და სასამართლოც იქვე, ასეთი ძალაუფლევის მქონეა, ვუთხარით რომ მობრძანდით, გამოიძიეთ, თავად უხელმძღვანელეთ ამ პროცესს და თუკი 1%- პროცენტიან სხვაობას მაინც დაადგენთ, ჩვენ მზად ვართ დაინიშნოს რიგგარეშე არჩევნები.

რაც შეეხება მიმდინარე მედიაციას, ვაცადოთ შიგნით რა მოხდება, მაგრამ მე გითხარით მთავარი პრინციპი - სამართლიანობა, სიმართლე. მთავარი პრინციპია, რომ მიზეზის გარეშე რიგგარეშე არჩევნების დანიშვნა არის სახელმწიფოს ინტერესის საწინააღმდეგო,"- განაცხადა პაპუაშვილმა.

მისივე თქმით, მმართველ გუნდის პოზიცია სამართლიანობაზეა დამყარებული და იმედი აქვს, რომ მოლაპარაკება წარმატებული იქნება.

„ადრე თუ გვიან, ვინც არ უნდა იყოს მოლაპარაკების მონაწილე წარმოუდგენელია, არ მოუწიოს იმაზე დათანხმება, რაც არის სიმართლე და რაც ქვეყანას სჭირდება, ეს დროის საკითხია, ვინ როდის გააცნობიერებს. საკითხები, რომელზეც ვსაუბრობთ, ქვეყნისთვის საჭიროა,"-განაცხადა პაპუაშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე