კობა გვენეტაძე მონეტარული პოლიტიკის გამკაცრების მიზეზს განმარტავს

საქართველოს ეროვნული ბანკის პრეზიდენტი კობა გვენეტაძე მონეტარული პოლიტიკის გამკაცრების მიზეზს განმარტავს.

როგორც კობა გვენეტაძემ რადიო „პალიტრისა“ და „პალიტრანიუსის“ გადაცემა „საქმეში“ საკითხის კომენტირებისას განაცხადა, იქიდან გამომდინარე, რომ კომუნალური გადასახადების სუბსიდირების დასრულების შემდეგ, ფასების საერთო დონე შესაძლოა, კიდევ უფრო გაიზარდოს, ეროვნული ბანკი მონეტარული პოლიტიკის გამკაცრებით შეეცდება ფასების ზრდა გარკვეულწილად შეარბილოს.

„გვაქვს მოლოდინი, რომ სუბსიდირების ეფექტის გაჩერების შემდეგ, ინფლაცია იქნება უფრო მაღალი, ვიდრე გვქონდა თებერვლის ბოლოს და აქედან გამომდინარე მივიღეთ ეს გადაწყვეტილება“, - აღნიშნა გვენეტაძემ.

მან ასევე ისაუბრა დოლარის ანაბრებზე საპროცენტო განაკვეთის შემცირებაზე და აღნიშნა, რომ ეს აბსოლუტურად ბუნებრივია.

„ვალუტაში დეპოზიტების საპროცენტო განაკვეთზე რაც მოხდა, აბსოლუტურად ბუნებრივია, რამდენიმე მიზეზის გამო. პირველი, პანდემიის გამო ამერიკის მარეგულირებელმა, ფედერალური რეზერვების ბანკმა შეამცირა და ახლა თითქმის ნულთან არის საპროცენტო განაკვეთი. აქედან გამომდინარე, აბსოლუტურად ლოგიკურია, რომ საპროცენტო განაკვეთები დოლარში ყველგან შემცირდებოდა.

მეორე, როდესაც საუბარია იმაზე, რომ დოლარში აღებული სესხები არის რისკიანი, უკვე აღარ არის არანაირი სტიმული, არც ბანკებისთვის, რომ დოლარში გასცენ სესხები. იმიტომ, რომ თუ გადავხედავთ გაფუჭებული სესხების რაოდენობას ქვეყანაში, 6%-ით არის გაზრდილი ევროში, 4%-ით დოლარში და 2 %-ზე ნაკლებია ლარში. ანუ, ეს ძალიან დიდი მოწყვლადობის წყაროა და ბანკებსაც რა თქმა უნდა, ამ სიტუაციაში არ უნდათ ამ რისკების აღება და თუ გასცემენ, კიდევ უფრო მაღალი პროცენტით გასცემენ. ესეც აბსოლუტურად ბუნებრივია.

რა თქმა უნდა, დედოლარიზაციამაც მიიღო ამაში გარკვეული როლი და ძალიან კარგია, რომ ეს გაკეთდა“,- განაცხადა კობა გვენეტაძემ.

ცნობისთვის, ეროვნული ბანკის მონეტარული პოლიტიკის კომიტეტმა 2021 წლის 17 მარტს რეფინანსირების განაკვეთის 50 საბაზისო პუნქტით გაზრდის გადაწყვეტილება მიიღო. შესაბამისად, მონეტარული პოლიტიკის განაკვეთი 8.5 პროცენტით განისაზღვრა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო