ირაკლი ქარსელაძე - საგზაო პროექტების განხორციელება მნიშვნელოვანია არა მარტო დაზოგილი დროის, არამედ უსაფრთხოების უკეთ დაცვის თვალსაზრისითაც

ქვეყანაში უკვე აშენებულია 247 კმ-იანი მაგისტრალი, 140 კმ-ზე კი მშენებლობის სამუშაოები მიმდინარეობს, - ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა.

მისივე თქმით, პანდემიამ ინფრასტრუქტურის პროექტების განხორციელებაზეც გარკვეულწილად იმოქმედა, თუმცა სისტემურ პროექტებზე სამუშოები ერთი დღითაც არ შეჩერებულა.

„მსოფლიოში პანდემიამ ყველაფერზე იმოქმედა. ბუნებრივია, ჩვენი ქვეყანაც არ არის გამონაკლისი, თუმცა მიუხედავად ამ დიდი გამოწვევისა, ჩვენ ერთი დღითაც არ შეგვიჩერებია სამუშაოები სისტემურ პროექტებზე, რომელიც უკავშირდება მაგისტრალური გზის მშენებლობას, ასევე - ისეთ პროექტებზე, რომელსაც არა მხოლოდ შიდა, არამედ რეგიონული და საერთაშორისო მნიშვნელობა გააჩნია. სწორედ ასეთი ძალისხმევის შედეგად მოხერხდა პირველად, რომ ერთი წლის განმავლობაში 70 კმ მაგისტრალური გზის გახსნა მოვახერხეთ, რამაც თბილისიდან ბათუმამდე 5 საათის ნაცვლად, 4 საათში გახადა შესაძლებელი ჩასვლა. ეს არის ძალიან დიდი შედეგი გამომდინარე იქედან, რომ ვსაუბრობთ არა მხოლოდ დაზოგილ დროზე, არამედ საგზაო უსაფრთხოებაზე, რომელიც არის უმნიშვნელოვანესი კომპონენტი,“ - აღნიშნა ირაკლი ქარსელაძემ.

მინისტრის განცხადებით, ყველა ასეთი პროექტი კარგი შესაძლებლობაა ადგილობრივი მოსახლეობისთვის დასაქმების თვალსაზრისით და ამის დასტურია ის, რომ გასული წლის განმავლობაში 30 000 ადამიანზე მეტი იყო დასაქმებული სხვადასხვა პროექტში და მათი 95% საქართველოს მოქალაქეა.

„როდესაც აღმოსავლეთ-დასავლეთის მაგისტრალი, წითელი ხიდიდან სარფამდე, მთლიანად დასრულდება, საერთო მანძილი 30 კმ-ით შემცირდება. ახლა მგზავრობის იდეალური დრო 8 საათია და იგი ფაქტობრივად განახევრდება, რის შედეგადაც საგზაო დერეფანი მეტ მიმზიდველობას შეიძენს“, - განაცხადა ქარსელაძემ.

ირაკლი ქარსელაძის განცხადებას რეგიონული განვითარებისა და ინფრასტრუქტურის სამინისტრო ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით