თამარ გაბუნია - ჩვენთვის ცნობილია, რომ პაციენტს არ ჰქონდა ალერგიული რეაქცია მანამდე ჩატარებულ აცრებზე

ჩვენთვის ცნობილია, რომ პაციენტს მანამდე ჩატარებულ აცრებზე ალერგიული რეაქცია არ ჰქონია - შემიძლია დავადასტურო, რომ მდგომარეობა არის მძიმე, - ამის შესახებ ჯანდაცვის მინისტრის მოადგილემ თამარ გაბუნიამ ახალციხეში, „იმედის“ კლინიკაში მომხდარ შემთხვევასთან დაკავშირებით განაცხადა.

მისივე თქმით, მნიშვნელოვანია საექსპერტო შეფასება და უნდა დაველოდოთ დასკვნას.

„პაციენტი რეანიმაციულ განყოფილებაში იმყოფება. მისი მდგომარეობა, რა თქმა უნდა, ძალიან საყურადღებოა. რა დიაგნოზთან გვაქვს საქმე ეს არ არის სატელევიზიო საუბრის თემა, კონფიდენციალურობიდან გამომდინარე. შემიძლია დავადასტურო, რომ მდგომარეობა არის მძიმე. გამომწვევი მიზეზი ასეთ შემთხვევაში არის რთული ალერგიული რეაქცია, რომელიც „ასტრაზენეკას“ შემთხვევაში 5 მილიონიდან აღწერილია 41 შემთხვევა ბრიტანეთის მონაცემების მიხედვით. უიშვიათესი გართულებაა, სავარაუდოდ ამასთან გვაქვს საქმე, თუმცა არ გამოვრიცხავ, რომ იყოს რაიმე სხვა დამოუკიდებელი მდგომარეობა, რამაც გამოიწვია მდგომარეობის ასე გართულება. სწორედ ამიტომ არის საექსპერტო შეფასება მნიშვნელოვანი და უნდა დაველოდოთ დასკვნას.

ამ შემთხვევაში სტანდარტული პროტოკოლი სრულად იქნა დაცული, ვინაიდან ჩვენთვის ცნობილია, რომ პაციენტს არ ჰქონდა ალერგიული რეაქცია მანამდე ჩატარებულ აცრებზე, მათ შორის გრიპის ვაქცინას იკეთებდა სისტემატურად. ამდენად ცნობილი ალერგიული რეაქცია ვაქცინებთან მიმართებაში მას არ უფიქსირდება, რაც არის აღრიცხული შესაბამის დოკუმენტაციაში, თუმცა ეს არ გამორიცხავს იმის ალბათობას, რომ მაინც დადგეს ანაფილაქსიური რეაქცია, თუ ეს იყო ანაფილაქსიური რეაქცია. ამ ეტაპზე ვარაუდის დონეზე შეგვიძლია მხოლოდ ვისაუბროთ“, - განაცხადა თამარ გაბუნიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს