ლადო მგალობლიშვილი - ჩრდილი რომ  არ მიადგეს პოლიტიკური მოლაპარაკების    პროცესს,  იურიდიულ კომიტეტში  ოპოზიციონერი დეპუტატების უფლებამოსილების შეწყვეტის საკითხის განხილვა მოხდება რეგლამენტით დადგენილი ვადის ბოლო დღეს

ჩრდილი რომ არ მიადგეს პოლიტიკური მოლაპარაკების პროცესს, იურიდიულ კომიტეტში ოპოზიციონერი დეპუტატების უფლებამოსილების შეწყვეტის საკითხის განხილვა მოხდება რეგლამენტით დადგენილი ვადის ბოლო დღეს, - ამის შესახებ აჭარის უმაღლესი საბჭოს საკონსტიტუციო, იურიდიული და საპროცედურო საკითხთა კომიტეტის თავმჯდომარემ ლადო მგალობლიშვილმა აჭარის უმაღლესი საბჭოს პლენარულ სხდომაზე განაცხადა.

როგორც მგალობლიშვილმა აღნიშნა, აჩქარება არ არის საჭირო, რადგან მიმდინარე მოლაპარაკებების პროცესს თავისი ბუნებრივი სიმძიმე საკმარისად გააჩნია.

„მედიაში აქტიურად განიხილება თემა თუ რატომ არ ვიხილავთ ოპოზიციონერი დეპუტატების უფლებამოსილების შეწყვეტის საკითხს. როგორც ცნობილია ევროკავშირის მედიატორობით მიმდინარე პოლიტიკური დიალოგი დასკვნით ეტაპზე გადავიდა. შესაბამისად მიზანშეწონილად არ მიგვაჩნია, რომ პარალელურად მოვიწვიოთ იურიდიული კომიტეტის სხდომა და განვიხილოთ მანდატების შეწყვეტის საკითხი. აჩქარება არ არის საჭირო, რადგან მიმდინარე მოლაპარაკებების პროცესს თავისი ბუნებრივი სიმძიმე საკმარისად გააჩნია.

ამ საკითხთან დაკავშირებით ვიმსჯელეთ და დავასკვენით. ჩრდილი რომ არ მიადგეს მოლაპარაკების პროცესს ოპოზიციონერი წევრების უფლებამოსილების შეწყვეტის საკითხის განხილვა მოხდება რეგლამენტით დადგენილი ვადის ბოლო დღეს ანუ 24 მარტს. ვიმედოვნებთ, რომ მანამდე პოლიტიკური შეთანხმება შედგება“, - განაცხადა მგალობლიშვილმა.

ინფორმაციას აჭარის ავტონომიური რესპუბლიკის უმაღლესი საბჭოს პრესსამსახური ავრცელებს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“