მამუკა ხაზარაძე - მივმართავ ჯანდაცვის სამინისტროს, შემოსული ვაქცინების 5% საქართველოს ოკუპირებულ ტერიტორიებზე მცხოვრებ და მომუშავე სამედიცინო პერსონალს გადაეცეს
„ლელოს“ თავმჯდომარე მამუკა ხაზარაძე ჯანდაცვის სამინისტროს მიმართავს, რომ საქართველოში შემოსული ვაქცინების 5 პროცენტი ოკუპირებულ ტერიტორიებზე მცხოვრებ და მომუშავე სამედიცინო პერსონალს გადაეცეს.
“მივმართავ ჯანდაცვის სამინისტროს: ქვეყანაში შემოსული ვაქცინების 5 % გადაეცეს საქართველოს ოკუპირებულ ტერიტორიებზე მცხოვრებ და მომუშავე სამედიცინო პერსონალს - ექიმებს, ექთნებს, სანიტრებს, ყველა იმ ადამიანს, რომლებიც შიშველი ხელებით ებრძვიან პანდემიას გალისა თუ ახალგორის რაიონში, სოხუმსა თუ ცხინვალში.
ეს საქართველოა და მათი დახმარება და თანადგომა ჩვენი სახელმწიფოს და თითოეული ჩვენგანის უპირველესი ვალია!”, - წერს ხაზარაძე სოციალურ ქსელში.
