ეკატერინე ტიკარაძის განცხადებით, 27 წლის ექთნის მკურნალობის ტაქტიკასთან დაკავშირებით კონსილიუმი შეიკრიბება

ჯანდაცვის მინისტრის, ეკატერინე ტიკარაძის განცხადებით, ახალციხის კლინიკაში 27 წლის ექთნის „ასტრაზენეკას“ ვაქცინით აცრის ფაქტს და განვითარებულ გვერდით მოვლენებს, გვერდითი მოვლენების მართვის კომიტეტი შეისწავლის.

როგორც მან ჯანდაცვის ექსპერტებისა და დარგის სპეციალისტებთან შეხვედრის შემდეგ, ჯანდაცვის სამინისტროში გამართულ ბრიფინგზე განაცხადა, ყველა დოკუმენტაცია ამ კომიტეტს გადაეცემა.

„გადავწყვიტეთ გვერდითი მოვლენების მართვის კომიტეტს მივაწოდოთ ყველა საჭირო ინფორმაცია. რეგულირების სააგენტო 16:00 საათზე უკვე კლინიკაში იმყოფებოდა და ისინი დეტალურად შეისწავლიან და მოიკვლევენ იმ გატარებულ ქმედებებს, რომელიც კლინიკაში პაციენტთან მიმართებით განხორციელდა. ყველა დოკუმენტაცია გადაცემული იქნება გვერდითი მოვლენების მართვის კომიტეტისთვის და ისინი დაუყოვნებლივ დაიწყებენ ამ ფაქტის შესწავლას, რის საფუძველზეც ჩვენ მოქალაქეებს ინფორმაციას დამატებით მივაწვდით, თუ რატომ იყო და რისგან დადგა არსებული ფაქტი. რაც შეეხება პაციენტს, ის გადმოყვანილია პირველ საუნივერსტიტეტო კლინიკაში. აქაც ჩვენ გვაქვს დამატებითი ღონისძიებები, კერძოდ ექიმების მულტიპროფილური გუნდი 21:00 სააათზე გამართავს ერთობლივ კონსილიუმს, რის საფუძველზეც გადაწყდება, როგორ უმკურნალებენ პაციენტს და როგორი იქნება მკურნალობის ტაქტიკა. დარწმუნებული ვარ, ექიმების ძალიხსმევით, პაციენტთან მიმართებით, გვექნება საიმედო გამოსავალი", - განაცხადა ტიკარაძემ.

შეგახსენებთ, რომ ახალციხის კლინიკაში 27 წლის ექთანს „ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია - ანაფილაქსიური შოკი დღეს დაუფიქსირდა. მისი ჯანმრთელობის მდგომარეობა მძიმეა. ექთანი, თბილისში, პირველ საუნივერსიტეტო კლინიკაში გადმოიყვანეს.

იხილეთ ვიდეო:ეკატერინე ტიკარაძის განცხადებით, 27 წლის ექთნის მკურნალობის ტაქტიკასთან დაკავშირებით ექიმების მულტიპროფილური გუნდი 21:00 საათზე კონსილიუმს გამართავს

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება