გია ხუხაშვილი - ერთადერთი შანსი იყო, რომ თავად ევროპულ მხარეს წარმოედგინა თავისი ვარიანტი და მხარეების იძულება მოეხდინა, როგორც ჩანს, ამისთვის ევროპა მზად არ არის

ერთადერთი შანსი იყო, რომ თავად ევროპულ მხარეს წარმოედგინა თავისი ვარიანტი და მხარეების იძულება მოეხდინა, როგორც ჩანს, ამისთვის ევროპა მზად არ არის - ნიუანსებში რომ შესულიყვნენ, შეიძლებოდა, უფრო მკაცრი ხელი ჰქონოდათ, - ამის შესახებ ექსპერტმა გია ხუხაშვილმა „ინტერპრესნიუსს“ განუცხადა, რითაც „ქართულ ოცნებასა“ და ოპოზიციას შორის მოლაპარაკებების უშედეგოდ დასრულებას გამოეხმაურა.

მისივე თქმით, ძირითადი პასუხისმგებლობა ხელისუფლებაზეა, მაგრამ თავისი წილი პასუხისმგებლობა ოპოზიციასაც აქვს, რადგან ევროპული განხილვის მაგიდაზე საკმარისად წონადი კონტრარგუმენტები ვერ წარადგინეს, „არჩევნების გაყალბება-არ გაყალბების საქმე, გარკვეულწილად რწმენის საკითხად აქციეს“.

„მე არ მინდა, რომ კრიტიკული ვიყო, თუმცა რა თქმა უნდა, ვფიქრობ, რომ ნიუანსებში რომ შესულიყვნენ შეიძლებოდა უფრო მკაცრი ხელი ჰქონოდათ, მაგრამ ამასთანავე მათ ფორმალური საფუძველი სჭირდებოდათ. ის დოკუმენტური მასალა, რაც მათ თვალწინ ედოთ არ იყო საკმარისი ამისთვის. მე მხედველობაში მაქვს, რომ მათ მაგიდაზე დოკუმენტურად მხოლოდ ის დასკვნები ედოთ, რომელიც მათივე სადამკვირვებლო მისიებმა არჩევნებზე წარმოადგინეს. სამწუხაროდ, ამ პერიოდში ოპოზიციამ ევროპული განხილვის მაგიდაზე საკმარისად წონადი კონტრარგუმენტები ვერ წარმოადგინეს, გარკვეულწილად რწმენის საკითხად აქციეს არჩევნების გაყალბება-არ გაყალბების საქმე. ამან ევროპელებს, რომლებიც ხვდებიან, რომ ქვეყანაში სერიოზული კრიზისი ვითარდება, ამ ეტაპზე ვერ შეუქმნა საფუძველი იმისა, რომ რიგგარეშე არჩევნების საკითხი კატეგორიულად დაეყენებინათ ხელისუფლებისთვის. ასე, რომ აქ თავისი წილი პასუხისმგებლობა ოპოზიციასაც აქვს. ამ თვეების განმავლობაში მათ ბევრი არაფერი გაუკეთებიათ იმისათვის, რომ ცოტა უფრო წონადი არგუმენტები დაედოთ და ეს საკითხი დეკლარირების დონეზე არ დაეტოვებინათ“, - განაცხდა ხუხაშვილმა.

მანვე აღნიშნა, რომ მხარეები კონსტრუქციულად კი არ იყვნენ განწყობილი, არამედ ევროპელი მედიატორის წინაშე კონსტრუქციულობანას თამაშობდნენ

„თავიდანვე „წითელი ხაზები“ ურთიერთგამომრიცხავი იყო, დესტრუქციული და ყველაფერი თამაშს ემსგავსებოდა. მხარეები კონსტრუქციულად კი არ იყვნენ განწყობილი, არამედ თამაშობდნენ კონსტრუქციულობანას ევროპელი მედიატორის წინაშე. ეს ტაქტიკური მანევრირება იყო იმისათვის, რომ საბოლოო ჯამში, მოლაპარაკების ნეგატიური შედეგი მოწინააღმდეგე მხარეს დაბრალებოდა. ერთადერთი შანსი იყო, რომ თავად ევროპულ მხარეს წარმოედგინა თავისი ვარიანტი და იძულება მოეხდინა მხარეების, როგორც ჩანს ამისთვის ევროპა მზად არ არის. ბუნებრივია, საუბარი ორმხრივ პასუხისმგებლობაზე არასწორი იქნება, პასუხისმგებელი მთელ ამ პროცესზე და სავალალო მდგომარეობაზე, ძირითადად ხელისუფლებაა, რა თქმა უნდა, ოპოზიციაც უშვებდა შეცდომებს, მაგრამ ძირითადად პასუხისმგებელი ხელისუფლებაა“, - განაცხადა ხუხაშვილმა.

ცნობისთვის, გუშინ „ქართული ოცნებისა“ და ოპოზიციის 9-საათიანი შეხვედრა ძირითად საკითხებზე შეთანხმების გარეშე დასრულდა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება