გიორგი ვაშაძე - არ ვაპირებ ამას შევეგუო - 0.001% არ არსებობს შანსი, ჩვენმა პარტნიორებმა ხელი ოპოზიციისკენ გაიშვირონ

„სტრატეგია აღმაშენებლის“ ლიდერის, გიორგი ვაშაძის განცხადებით, ოპოზიციასთან საერთო შეთანხმების დოკუმენტი არ მისულა და “ქართულმა ოცნებამ” მედიატორებთან ისეთი პირობები დააყენა, რომ ეს საკითხი არც კი დაძრულა.

როგორც მან ბრიფინგზე განაცხადა, ევროპულმა მხარემ მმართველი გუნდის პოზიციები არასამართლიანად ჩათვალა და არ არსებობს შესაძლებლობა, რომ მოლაპარაკებების პროცესში, პარტნიორებმა ხელი ოპოზიციისკენ გაიშვირონ.

“ქართულმა ოცნებამ” დიდი დარტყმა მიაყენა საქართველოს ევროატლანტიკურ პერსპექტივას. იმდენად არაადეკვატურად იქცეოდა “ქართული ოცნება”, რომ ოპოზიციამდე შეთანხმების დოკუმენტი არ მოსულა. ისეთი პირობები დააყენა ევროპელ კოლეგებთან, რომ საერთოდ არც კი დაძრულა ეს საკითხი, იმდენად არასამართლიანად, ევროპულ და დემოკრატიულ სტანდარტებთან მიუღებლად ჩათვალა ევროპულმა მხარემ ის პოზიციები, რომელიც “ქართულ ოცნებას” ჰქონდა. “ქართულმა ოცნებამ” ამით აჩვენა, რომ აინტერესებს მხოლოდ ძალაუფლების შენარჩუნება. მან ძალიან ცუდად გამოიყენა შარლ მიშელის სახელი და დიდი დარტყმა მიაყენა ევროპულ პერსპექტივას. საკითხები, რომელიც მიშელმა ჩამოწერა, რაზეც თანხმობა მისცა “ოცნებამ” და გადასცა მანდატი მედიაციის, ყველა ეს საკითხი უნდა ყოფილიყო დოკუმენტში, მაგრამ შეიცვალა “ქართული ოცნების” პოზიციები და გონიათ, რომ მიშელთან ურთიერთობაც თამაშია. ჩათვალა, რომ შეუძლია საზოგადოებას თავზე ნაცარი დააყაროს და მოატყუოს.

არ ვაპირებ ამას შევეგუო და „ქართულ ოცნებას“ ჩავაბარო საქართველოს ევროპული ინტეგრაციის პერსპექტივა. სხვა ოპოზიციურ პარტიებთან ერთად გავაკეთებ ყველაფერს, რომ საქართველო დადგეს ნორმალური განვითარების გზაზე. ჩვენთან ოპოზიციასთან, საერთო შეთანხმების დოკუმენტი, ტექსტი საბოლოო ვერსიასთან მიახლოებული არ მოსულა, იმდენად დესტრუქციული პოზიცია ჰქონდა “ქართულ ოცნებას”. დარწმუნებული ვარ, ამ ყველაფერს იტყვიან ჩვენი დასავლელი პარტნიორებიც და იქნება შესაბამისი რეაგირება, რომელიც უკვე დაიწყო. “ქართული ოცნება” გადაიხდის დიდ ფასს. დარწმუნებული ვარ, ჩვენი არცერთი პარტნიორი ხელს არ აიღებს საქართველოს ევროპული პერსპექტივიდან.

0.001 % არ არსებობს შესაძლებლობა, რომ მოლაპარაკებების პროცესში, ჩვენმა პარტნიორებმა ხელი ოპოზიცისკენ გაიშვირონ“, - განაცხადა ვაშაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა