შალვა პაპუაშვილის განცხადებით, არჩევნებიდან თითქმის 5 თვის შემდეგ „სამართლიანი არჩევნები“ ვერ აკმაყოფილებს გამჭვირვალობის და ანგარიშვალდებულების მინიმალურ სტანდარტს

„ქართული ოცნების“ წევრის შალვა პაპუაშვილის განცხადებით, არჩევნებიდან თითქმის 5 თვის შემდეგაც „სამართლიანი არჩევნები“ ვერ აკმაყოფილებს გამჭვირვალობის და ანგარიშვალდებულების მინიმალურ სტანდარტსაც კი და არ ასაჯაროებს იმ უბნების სიას, რომლის მონაცემებსაც პარალელური დათვლის დროს დაეყრდნო.

ამის შესახებ პაპუაშვილმა სოციალურ ქსელში დაწერა, რითაც გამოეხმაურა „სამართლიანი არჩევნების“ განცხადებას, სადაც ორგანიზაცია მმართველ გუნდს მოუწოდებს შეწყვიტოს მასზე თავდასხმები.

„კარგი. მოდი, მაშინ, ის ვთქვათ, რაც საფუძვლიანი ბრალდებაა და დამტკიცდა: დამტკიცდა, რომ პარალელური დათვლის შედეგები იყო მცდარი. ISFED-მა იცოდა ეს და ერთი თვე (11 დეკემბრამდე) მალავდა. ISFED-მა იცოდა ეს და 16 ნოემბერს ჩვენთან შეხვედრისას პირდაპირ მოგვატყუა, რომ არანაირი შეცდომა არ არის. 8% უბნებში მეტობა და 4% ცდომილება იყო მცდარი. მოკვლევის შემდეგ 29 იანვარს გაკეთებულ განცხადებაში ISFED-მა ეს დამალა. მხოლოდ ჟურნალისტის კითხვის საპასუხოდ განაცხადეს, რომ შესწორების ოქმების გათვალისწინებით მათი მონაცემები ცესკო-სას დაემთხვა. თუმცა, ეს გადამწყვეტი დაზუსტება დღემდე არ ასახულა მათ განცხადებაში ან ISFED-ის ვებგვერდზე.

რაც მთავარია, არჩევნებიდან თითქმის 5 თვის თავზეც ISFED-ი ვერ აკმაყოფილებს გამჭვირვალობის და ანგარიშვალდებულების მინიმალურ სტანდარტსაც კი და არ ასაჯაროებს იმ უბნების სიას, რომლის მონაცემებსაც პარალელური დათვლის დროს დაეყრდნო.

და ბოლოს, სწორედ პარალელური დათვლის და ცესკო-ს შედეგების აცდენა იყო ცესკო-ს თავმჯდომარე თამარ ჟვანიაზე შეურაცხყოფის და სიძულვილის კამპანიის ერთ-ერთი მთავარი საფუძველი. ISFED-ს დღემდე არ გამოუთქვამს წუხილი, რომ მათ მიერ მცდარი ინფორმაციის გავრცელებამ, ასეთი სიძულვილის ტალღის აგორებას შეუწყო ხელი. დანარჩენი თქვენ განსაჯეთ“, - წერს პაპუაშვილი.

ცნობისთვის, „სამართლიანი არჩევნებისა და დემოკრატიის საერთაშორისო საზოგადოება“ (ISFED) „ქართულ ოცნებას“ მოუწოდებს, შეწყვიტოს ორგანიზაციაზე თავდასხმები და ძალისხმევა ქვეყანაში არსებული პოლიტიკური კრიზისის განმუხტვისკენ მიმართოს.

ამის შესახებ ორგანიზაციამ განცხადებას გაავრცელა, რითაც გამოეხმაურა „ქართული ოცნების“ თავმჯდომარის ირაკლი კობახიძის განცხადებას, „ხმების პარალელური დათვლის (PVT) გაყალბების თაობაზე“. ორგანიზაციის განცხადებით, კობახიძის ეს ბრალდება ხელისუფლებასა და ოპოზიციას შორის ევროკავშირის ფასილიტაციით მიმდინარე მოლაპარაკების წარუმატებლად დასრულების შემდეგ კიდევ ერთხელ გაჟღერდა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ