თბილისის სააპელაციო სასამართლო 16 წლის ასაკს მიუღწეველთან სექსუალური კავშირის დამყარების ფაქტზე ბრალდებულისთვის პატიმრობის შეფარდებაზე ინფორმაციას ავრცელებს

თბილისის სააპელაციო სასამართლო 16 წლის ასაკს მიუღწეველთან სექსუალური კავშირის დამყარების ფაქტზე ბრალდებულისთვის პატიმრობის შეფარდებაზე ინფორმაციას ავრცელებს.

როგორც თბილისის სააპელაციო სასამართლოს მიერ განცხადებაშია აღნიშნული, არასრულწლოვანთან სექსუალური კავშირის დამყარებაში ბრალდებულ პირს პატიმრობა შეეფარდა.

„თბილისის სააპელაციო სასამართლოს საგამოძიებო კოლეგიამ 2021 წლის 19 მარტის განჩინებით ცვლილება შეიტანა ბრალდებულ ა. ნ.- ს მიმართ ბრალდებულის სასამართლოში პირველი წარდგენისა და აღკვეთის ღონისძიების თაობაზე, თელავის რაიონული სასამართლოს 2021 წლის 15 მარტის განჩინებაში.

სასამართლომ აღნიშნა, რომ 1995 წლის 24 ნოემბერს დაბადებული ა.ნ. ბრალდებულის სახით დაკავებული იქნა 2021 წლის 12 მარტს და 2021 წლის 14 მარტს წარედგინა ბრალდება საქართველოს სისხლის სამართლის კოდექსის 140-ე მუხლის პირველი ნაწილით.

საქმის ზეპირი მოსმენით განხილვის შემდეგ, თბილისის სააპელაციო სასამართლოს საგამოძიებო კოლეგიამ მიიღო გადაწყვეტილება და სრულწლოვანის მიერ წინასწარი შეცნობით თექვსმეტი წლის ასაკს მიუღწევლის სხეულში სექსუალური შეღწევისთვის ბრალდებულს, რაიონული სასამართლოს მიერ შეფარდებული აღკვეთის ღონისძიება - გირაო შეუცვალა პატიმრობით“, - ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით