თბილისის გეზში 26 482,30 ლარის ღირებულების არადეკლარირებული საქონელი აღმოაჩინეს

თბილისის გეზში 26 482,30 ლარის ღირებულების არადეკლარირებული საქონელი აღმოაჩინეს. ამის შესახებ ინფორმაციას შემოსავლების სამსახური ავრცელებს.

მათივე ცნობით, საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეცა.

„გაფორმების ეკონომიკურ ზონაში „თბილისი“, სამართალდარღვევის ფაქტი გამოვლინდა. კერძოდ, ერთ-ერთი კომპანიის დეკლარანტის მიერ, საბაჟო საწყობის სასაქონლო ოპერაციაში მოქცეულ იქნა 181 357,74 ლარის ღირებულების სხვადასხვა დასახელების საყოფაცხოვრებო პროდუქცია. დეკლარირებული საქონლის მონაცემების, რისკის პროფილთან შედარების შედეგად, საბაჟო კონტროლის წითელი დერეფანი განისაზღვრა. ფინანსთა სამინისტროს შემოსავლების სამსახურის საბაჟო დეპარტამენტის უფლებამოსილი პირის მიერ, სატრანსპორტო დოკუმენტების კამერალური შემოწმებისა და საქონლის ფიზიკური დათვალიერების შედეგად, ზემოაღნიშნულ საბაჟო საწყობის სასაქონლო ოპერაციაში მოქცეულ ტვირთში, 26 482,30 ლარის ღირებულების არადეკლარირებული საქონელი გამოვლინდა. საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეცა“, - ნათქვამია განცხადებაში.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა