ჯანდაცვის მინისტრის მოადგილის თამარ გაბუნიას განცხადებით, ანაფილაქსიის რისკს თავის საინფორმაციო პაკეტში „ფაიზერიც“ აღწერს, მილიონზე არაუმეტეს 10 შემთხვევისა.

ამის შესახებ მან ჟურნალისტებს განუცხადა.

„რაც შეეხება „ასტრაზენეკას“, 5 მილიონი აცრიდან ბრიტანეთს აქვს 41 ანაფილაქსიური შოკის მაჩვენებელი დაფიქსირებული. თავდაპირველი ინფორმაციით, უფრო მეტი ეს მაჩვენებელი სწორედ „ფაიზერის“ ვაქცინაზე მოდიოდა. სწორედ ამიტომ ჩაითვალა საჭიროდ „ფაიზერისთვის“ განსაკუთრებული მომზადება, ამიტომ მივიღეთ „ფაიზერის“ ვაქცინაციის ცენტრების გაკეთებაზე გადაწყვეტილება. მაშინ როცა ბევრი სხვა ქვეყანა „ასტრაზენეკას“ აკეთებს უფრო ფართოდ, ნახავთ რომ ზოგი აკეთებს კათედრალში, სპორტულ დარბაზში, გარეთაც ამბულატორიულ პირობებში. ამ შემთხვევაში სიფრთხილის ზომები არის მნიშვნელოვანი და „ასტრაზენეკაც“ და „ფაიზერიც“ გადავა განსაკუთრებული ადმინისტრირების რეჟიმში“,- აღნიშნა გაბუნიამ.