გიგა ბოკერია - ჩვენ უნდა გავაგრძელოთ, განვაახლოთ და გავაფართოვოთ მშვიდობიანი და მწვავე პროტესტი

„ევროპული საქართველოს“ ერთ-ერთი ლიდერის, გიგა ბოკერიას განცხადებით, საჭიროა, რომ მშვიდობიანი და მწვავე პროტესტი განახლდეს და გაფართოვდეს.

როგორც ბოკერია აღნიშნავს, გუშინ, კრისტიან დანიელსონის მედიაციით გამართულ შეხვედრაზე, ხელისუფლებას არცერთ საკვანძო საკითხზე გონივრული საუბრის უნარი არ აღმოაჩნდა.

„ივანიშვილის გარემოცვამ გუშინ ჩვენი პარტნიორების წინაშე მოახდინა იმის დემონსტრირება სრულად, რასაც ახდენდა სხვადასხვა ინტენსივობით ჩვენი საზოგადოების თვალწინ მთელი ამ წლების განმავლობაში. უბრალოდ ახლა ქვეყანაში ისეთი ღრმა კრიზისია მათი ნაბიჯების შედეგად, რომ კიდევ უფრო თვალნათელი იყო და თუ შეიძლება ამაზე მეტად გაშიშვლება ვითარების, გაშიშვლებული იყო მათი სახე, რამხელა საფრთხეა და როგორ ჰქონდათ დავალება, რომ ვერც კი იმსჯელონ საკვანძო საკითხებზე.

ვერცერთ საკითხზე, რომელიც პრეზიდენტ მიშელის გეგმაში იყო, მათ ვერ აღმოაჩნდათ გონივრული საუბრის უნარი იმისთვის, რომ რაღაც შეთანხმება შედგეს.

შთაბეჭდილება დამრჩა, საკვანძო თემებზე, რომელიც გამხსნელია სხვა თემების, პოლიტპატიმრების გათავისუფლება და ვადამდელი არჩევნები, ბრძანება ჰქონდათ, რომ ამ კითხებზე ფიქრის უფლება არ ჰქონდათ. ჩვენ უნდა გავაგრძელოთ, განვაახლოთ და გავაფართოვოთ მშვიდობიანი და მწვავე პროტესტი. თავისუფალი სამყაროს და საქართველოს მოკავშირეების, მათ შორის ევროკავშირის და აშშ-ს და ყველა დემოკრატიული ინსტიტუტის მხარდაჭერა საქართველოს დემოკრატიას და სუვერენიტეტს, ნიშნავს პირდაპირი თვალსაზრისით წნეხს ამ რეჟიმზე. ეს გაგრძელდება აუცილებლად და ამ ინსტრუმენტებით უნდა მივიდეთ სასურველ ამოცანამდე, ვადამდელ მშვიდობიან არჩევნებამდე, პოლიტპატიმრების გათავისუფლებამდე და შემდეგ, ამ ხელისუფლების ჩამოშორებამდე ძალაუფლებიდან“, - განაცხადა ბოკერიამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა