ირაკლი ღარიბაშვილმა და ჯანდაცვისა და სურსათის უვნებლობის ევროკომისარმა COVID-19-სა და ვაქცინაციის პროცესის მიმდინარეობის შესახებ ისაუბრეს

საქართველოს პრემიერ-მინისტრი ირაკლი ღარიბაშვილი ჯანდაცვისა და სურსათის უვნებლობის ევროკომისარს სტელა კირიაკიდისის ვიდეოკონფერენციის ფორმატში შეხვდა. შეხვედრაზე ყურადღება გამახვილდა COVID-19-ზე და პანდემიით გამოწვეული სირთულეების დასაძლევად გადადგმულ ნაბიჯებზე.

მთავრობის მეთაურმა ხაზი გაუსვა ევროკავშირის როლს პანდემიით შექმნილი სოციალურ-ეკონომიკური კრიზისის წინააღმდეგ ბრძოლის პროცესში. ასევე, საუბარი შეეხო ვაქცინაციის მიმდინარეობას. აღინიშნა, რომ საქართველომ COVAX-თან ინტენსიური თანამშრომლობით ვაქცინის პირველი დოზები უკვე მიიღო და დამატებით მოცულობას უახლოეს მომავალში ელოდება.

პრემიერ-მინისტრმა ხაზი გაუსვა, რომ გრძელდება ინტენსიური მუშაობა როგორც უშუალოდ ვაქცინის მწარმოებლებთან, ისე პარტნიორ სახელმწიფოებთან და აღნიშნა, რომ ამ პროცესში ევროკავშირის მხარდაჭერას უდიდესი მნიშვნელობა ენიჭება. საუბარი ასევე შეეხო საქართველოს ჯანდაცვის სექტორში ევროკავშირის დაფინანსებით მიმდინარე და წარმატებით განხორციელებულ პროექტებს.

ვიდეოკონფერენციაში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე და მინისტრის მოადგილე თამარ გაბუნია მონაწილეობდნენ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა