მე ვთვლი, რომ თალაკვაძე, კობახიძე და ეს გუნდი იმსახურებენ იმას, რომ ცალკე, გრძელვადიანი მოლაპარაკებები ჰქონდეთ ვახო მეგრელიშვილთან და იაგო ხვიჩიასთან, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს განუცხადა, რითაც უპასუხა დასმულ შეკითხვას „გირჩის“ ინიციატივაზე, რომლის თანახმადაც „ქართულ ოცნებასთან“ პირდაპირი დიალოგისთვის ემზადებიან.

„გირჩის“ ერთ-ერთი ლიდერის ალექსანდრე რაქვიაშვილის განმარტებით, შეხვედრა, სავარაუდოდ მომავალ კვირას გაიმართება.

„ჩვენ ეს კომუნიკაცია გვჭირდება იმისათვის, რომ მინიმუმ „ქართული ოცნების“ პოზიციები გავიგოთ და უკვე ამის მიხედვით ჩამოვაყალიბოთ ჩვენი პოზიცია. ჯერ არ გვქონია შეხვედრა, მაგრამ მე მგონი, არ იქნება პრობლემა. ზოგადად, ამ კუთხით პრობლემა ჩვენ არასდროს გვქონდა. ჩვენ გვინდა, რომ შაბათ-კვირას ჩვენი შიდა საქმეები დავალაგოთ და იმ კვირაში, სავარაუდოდ, რამე შეხვედრა გვექნება“, - აცხადებს „რუსთავი 2“-თან „გირჩის“ ერთ-ერთი ლიდერი ალექსანდრე რაქვიაშვილი.