27 წლის ექთნის ახლობელი - წამალი დაულევია და ასაცრელად წასულა, ვადგენთ, რატომ მიიღო მედიკამენტი

გარდაცვლილი 27 წლის ექთნის მეგი ბაქრაძის ოჯახის ახლობლების ინფორმაციით, მან „ასტრაზენეკას“ ვაქცინაციის ჩატარებამდე, თავის ტკივილის გამო მედიკამენტები მიიღო. თუმცა, ისინი ექსპერტიზის დასკვნამდე ვერ აკონკრეტებენ, რა გახდა გარდაცვალების ზუსტი მიზეზი.

„ჩივილები ჰქონია, რაღაც წამალი მიუღია, რადგან თავის ტკივილი ჰქონია წინა დღით. მეორე დღეს წამალი დაულევია და ასაცრელად წასულა. ახლა ვადგენთ, რატომ მიიღო ეს მედიკამენტი, ვინ მისცა. ხელს ვერავის დავადებთ, თუმცა, როგორც ინფორმაცია გვაქვს, ეს მედიკამენტები საავადმყოფოში მისცეს“, - აცხადებს ერთ-ერთი ახლობელი.

გარდაცვლილი ექთნის მეზობლები და ახლობლები ვარაუდობენ, რომ ვაქცინაცია არასწორად ჩატარდა და დროული რეაგირება არც შემდეგ მოხდა.

„არასწორად მოხდა აცრა, ან ვაქცინა არასწორად იყო შენახული ან ნემსი დაუდევრობით გააკეთეს. შეიძლება ექიმი ინფორმირებული არ იყო და გააკეთა ის, რაც არ უნდა გაეკეთებინა. ალბათ, არ იყვნენ გადამზადებულები და მომზადებულები ვაქცინაციისთვის, რის გამოც ვერც ვაქცინაცია ჩაატარეს და ვერც დახმარება გაუწიეს. უნდა გაეკეთებინათ სინჯი, ალერგიული იყო თუ არა“, - აცხადებს ერთ-ერთი ახლობელი.

გარდაცვლილი ექთნის დედამ, რომელიც ემიგრაციიდან წუხელ, გვიან ღამით დაბრუნდა, მედიასთან პირველი კომენტარი გააკეთა და აღნიშნა, რომ მის შვილს ამ დრომდე ჯანმრთელობის პრობლემები არ ჰქონია.

„არაფერი ვიცი. ალერგიული არ ყოფილა, არაფერი აწუხებდა“, - განაცხადა ექთნის დედამ.

ცნობისთვის, 27 წლის ექთანი მეგი ბაქრაძე, რომელსაც „ასტრაზენეკას“ ვაქცინის გაკეთების შემდეგ ანაფილაქსიური შოკი განუვითარდა, თსსუ-ს პირველ საუნივერსიტეტო კლინიკაში გარდაიცვალა.

მომხდართან დაკავშირებით, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში