სერგო ჩიხლაძე - ევროკავშირის საგარეო საქმეთა მინისტერიალი იგეგმება, სადაც საქართველოს საკითხზეც იმსჯელებენ, დარწმუნებული ვარ, წნეხი „ქართულ ოცნებაზე“ გაძლიერდება და ისინი გამოხატავენ მედიაციის გაგრძელების სურვილს

ჩვენ უახლოეს დღეებში, ჩვენს მეგობრებს ევროკავშირიდან კიდევ ერთხელ მივმართავთ და თუ იქნება მედიაციის გაგრძელების მზაობა და სურვილი ევროკავშირის მხრიდან, ჩვენ კვლავ მზად ვართ და გახსნილები ვართ მოლაპარაკებებისთვის, - ამის შესახებ „სტრატეგია აღმაშენებლის“ ერთ-ერთმა ლიდერმა სერგო ჩიხლაძემ ჟურნალისტებთან საუბრისას განაცხადა.

ჩიხლაძის შეფასებით, ევროკავშირში დაგეგმილ საგარეო საქმეთა მინისტერიალზე, ევროკავშირი აუცილებლად გამოხატავს საქართველოში მედიაციის გაგრძელების სურვილს.

„მოლაპარაკებებზე ოპოზიციის წინადადებების განხილვამდეც არ მივიდა საქმე „ქართული ოცნების“ გამო. მედიატორებმა „ქართულ ოცნებას“ დაუდეს რამდენიმე წინადადება და არც ერთზე არ დათანხმდა, რომ მერე ჩვენ გაგვსაუბრებოდნენ. მოლაპარაკებებზე ის მომენტი არ დადგა, რომ ჩვენ რამე კომპრომისზე წავსულიყავით, საერთოდ არ წამოვიდა „ქართული ოცნება“ ამ საკითხებზე მოსალაპარაკებლად, ხოლო ოპოზიციისგან გაჟღერებული რაც იყო - ეს იყო, თუნდაც პლებისციტი, ვადები და არჩევნების სხვადასხვა ვარიანტი. ის კი არა, რომ ამაზე არ წამოვიდა ხელისუფლება ან ჩვენ რაღაცაზე არ წავედით, ხელისუფლებამ უბრალოდ არც განიხილა ვარიანტი ვადამდელი არჩევნების და არ განიხილა ვარიანტი ამ ეტაპისთვის პოლიტპატიმრების გათავისუფლების. ჩვენ კიდევ ერთხელ მივმართავთ უახლოეს დღეებში ჩვენ მეგობრებს ევროკავშირიდან და გამოვხატავთ მზაობას, სურვილს, რომ თუ იქნება მზაობა და სურვილი ევროკავშირის მხრიდან მედიაციის გაგრძელების, ჩვენ კვლავ მზად ვართ და გახსნილები ვართ მოლაპარაკებებისთვის, კონსულტაციებისთვის. ამ კვირაში იგეგმება ევროკავშირის საგარეო საქმეთა მინისტერიალი, სადაც საქართველოს საკითხზეც იმსჯელებენ და მე დარწმუნებული ვარ, რომ გაძლიერდება წნეხი „ქართულ ოცნებაზე“ და დარწმუნებული ვარ, რომ ისინი გამოხატავენ სურვილის მედიაციის გაგრძელების, რათა მოლაპარაკებები გაგრძელდეს. ოპოზიცია კიდევ ერთხელ ვაცხადებთ, რომ თანახმა ვართ და მზად ვართ ჩავერთოთ ამ მოლაპარაკებებში“, - განაცხადა სერგო ჩიხლაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა