მიხეილ ჩხენკელი - ჩვენი მიზანია ინდივიდის განსხვავებულ საჭიროებაზე მორგებული განათლების სისტემის უზრუნველყოფა

საქართველოს განათლებისა და მეცნიერების მინისტრი მიხეილ ჩხენკელი დაუნის სინდრომის მსოფლიო დღესთან დაკავშირებით მიმართვას ავრცელებს და აღნიშნავს, რომ უწყების მიზანი ინდივიდის განსხვავებულ საჭიროებაზე მორგებული განათლების სისტემის უზრუნველყოფაა.

„დღეს, 21 მარტს, საქართველო მსოფლიოს მრავალ ქვეყანასთან ერთად დაუნის სინდრომის მსოფლიო დღეს აღნიშნავს. ეს დღე გაერთიანებული ერების ორგანიზაციის ეგიდით 2011 წლის 10 ნოემბერს დაწესდა და ჩვენი ქვეყანა მას 2012 წლიდან, უკვე მეათედ უერთდება.

ვფიქრობ, დაუნის სინდრომის მსოფლიო დღის დაწესებასა და აღნიშვნას დიდი მნიშვნელობა აქვს დაუნის სინდრომის მქონე ადამიანთა მიმართ არსებული სტიგმებისა და სტერეოტიპების დაძლევისთვის.

ხელმისაწვდომი და ხარისხიანი განათლების მიღება თითოეული ადამიანის უფლებაა ყოველგვარი დისკრიმინაციის გარეშე. ჩვენი მიზანია ინდივიდის განსხვავებულ საჭიროებაზე მორგებული განათლების სისტემის უზრუნველყოფა, რომელიც ყველას აძლევს განათლების მიღების თანაბარ შესაძლებლობს.

აქედან გამომდინარე, ინკლუზიური განათლების განვითარება, მათ შორის, დაუნის სინდრომის მქონე მოზარდებისა და ახალგაზრდებისთვის ხელმისაწვდომი, ხარისხიანი განათლების სისტემის ფორმირება, საზოგადოებაში სპეციალური საგანმანათლებლო საჭიროებებისა და შეზღუდული შესაძლებლობების მქონე პირების მიმართ სტერეოტიპების დაძლევა და მათი თანატოლებთან ინტეგრაცია განათლებისა და მეცნიერების სამინისტროს ერთ-ერთი უმთავრესი პრიორიტეტია. ამ მიზნით, სამინისტრო მთელი ქვეყნის მასშტაბით „ინკლუზიური სწავლების პროგრამას“ ახორციელებს.

ჩვენ განვაგრძობთ მუშაობას ინკლუზიური განათლების განვითარების მიმართულებით ყველა ტიპის სპეციალური საგანმანათლებლო საჭიროებების მქონე მოსწავლეების განათლების უფლების უზრუნველყოფისა და საზოგადოებაში მათი ინტეგრაციისთვის“,-აღნიშნულია მიხეილ ჩხენკელის მიმართვაში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო