კახა კალაძე - ჟურნალისტებო, გილოცავთ პროფესიულ დღეს, მაღალი პასუხისმგებლობის მქონე, პროფესიონალი და მიუკერძოებელი მედიის არსებობა ქვეყნის დემოკრატიული განვითარების წინაპირობაა
თბილისის მერი კახა კალაძე ჟურნალისტებს პროფესიულ დღეს ულოცავს. კახა კალაძე მედიის წარმომადგენლებს წარმატებებს უსურვებს და აღნიშნავს, რომ მიუკერძოებელი მედია ქვეყნის დემოკრატიული განვითარების წინაპირობაა.
"ჟურნალისტებო, გილოცავთ პროფესიულ დღეს! მაღალი პასუხისმგებლობის მქონე, პროფესიონალი და მიუკერძოებელი მედიის არსებობა ქვეყნის დემოკრატიული განვითარების წინაპირობაა. ამდენად, თქვენი თავისუფლება და პროფესიონალიზმი ნიშნავს თავისუფალ, სრულად ინფორმირებულ საზოგადოებას. გისურვებთ ღირსებით და პასუხისმგებლობით ემსახუროთ ქართულ ჟურნალისტიკას!
წარმატებები!", - წერს კალაძე სოციალურ ქსელში.
