გიორგი ვაშაძე - პოლიტიკური კრიზისი და ერთპარტიული ფასადური დემოკრატია პირდაპირ აისახება ევროპასთან და ამერიკასთან ჩვენს ურთიერთობებში

პოლიტიკური კრიზისი და ერთპარტიული ფასადური დემოკრატია პირდაპირ აისახება ევროპასთან და ამერიკასთან ჩვენს ურთიერთობებში,- ამის შესახებ „სტრატეგია აღმაშენებლის“ ლიდერმა გიორგი ვაშაძემ ნატალია საბანაძის მიერ ევროკავშირში საქართველოს მისიის ხელმძღვანელის თანამდებობის დატოვების თაობაზე განაცხადა.

მისი თქმით, ხელისუფლებას უნდა ესმოდეს ერთპარტიული ავტოკრატიით ვერ გახდება ევროპული თანამეგობრობის ნაწილი ეს უფრო სხვა სამყაროსკენ გაკეთებული ღია არჩევანია.

"თანამდებობა დატოვა ევროპაში საქართველოს მისიის ხელმძღვანელმა და პირდაპირ შეგვიძლია ვთქვათ, რომ პოლიტიკური კრიზისი და ერთპარტიული ფასადური დემოკრატია პირდაპირ აისახება ევროპასთან და ამერიკასთან ჩვენს ურთიერთობებში.

ხელისუფლებას უნდა ესმოდეს ერთპარტიული ავტოკრატიით ვერ გახდება ევროპული თანამეგობრობის ნაწილი ეს უფრო სხვა სამყაროსკენ გაკეთებული ღია არჩევანია, რომლისგანაც თავის დაღწევას ათწლეულებია ვცდილობთ.

საქართველოს არ აქვს კრიზისის გრძელვადიანად გაგრძელების შესაძლებლობა, რადგან კრიზისში დაკარგული ყოველი დღე კიდევ უფრო მეტად გვაშორებს ჩვენი ქვეყნის ევროპულ და ევროატლანტიკურ არჩევანს", - განაცხადა გიორგი ვაშაძემ.

ცნობისათვის, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ნატალი საბანაძემ ევროკავშირში საქართველოს მისიის ხელმძღვანელის თანამდებობა დატოვა.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს