ავსტრალიაში, წყალდიდობის გამო, ათასობით ადამიანია ევაკუირებული

ავსტრალიაში, ახალი სამხრეთ უელსის შტატში, უხვი ნალექის შედეგად გამოწვეული წყალდიდობის გამო 18 000-მდე მოქალაქის ევაკუაცია განხორციელდა.

BBC-ის ცნობით, კოკისპირულმა წვიმებმა სიდნეის გარშემო და სამხრეთ-აღმოსავლეთ ქუინსლენდში მდინარეებისა და კაშხლების გადავსება გამოიწვია.

ადიდებულმა მდინარეებმა დააზიანა გზები და ხიდები, დროებით დაიხურა 150-მდე სკოლა, „ნიუკასლის აეროპორტში“ კი, სადაც ასაფრენ-დასაფრენი ბილიკი დაიტბორა, ავიარეისები შეჩერდა.

ავსტრალიის პრემიერ-მინისტრმა სკოტ მორისონმა განაცხადა, რომ სტიქია „ქვეყნისთვის კიდევ ერთი ტესტია“. მან იმ ადამიანებს, რომლებიც იძულებულები გახდნენ საკუთარი საცხოვრებელი ადგილები დაეტოვებინათ, ფინანსური დახმარება შესთავაზა.

ხელისუფლებაში აცხადებენ, რომ სტიქია, შესაძლოა, მთელი კვირის განმავლობაში გაგრძელდეს და მოსახლეობას სიფრთხილის გამოჩენისკენ მოუწოდებენ.

იხილეთ ვიდეო:ავსტრალიაში, წყალდიდობის გამო, ათასობით ადამიანია ევაკუირებული

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით