ხატია დეკანოიძე - ეს კვირა იქნება ძალიან მძიმე განცხადებების კვირა - ევროპა არსად წავა

არც ერთ სასიცოცხლოდ მნიშვნელოვან საკითხამდე არ ყოფილა რეალური წინ გადადგმული ნაბიჯი „ქართული ოცნების“ მხრიდან, - ამის შესახებ „ნაციონალური მოძრაობის“ ერთ-ერთმა ლიდერმა ხატია დეკანოიძემ „პალიტრანიუსის“ გადაცემა „ნიუსრუმში“ განაცხადა.

მისივე ინფორმაციით, ყოველ ჯერზე დოკუმენტი, რომელიც ჰქონდათ მოლაპარაკებაში მონაწილე მხარეებს, „იცვლებოდა არაფრისკენ“ და საკითხი პოლიტიკური მართლმსაჯულების განხილვამდე და ნიკა მელიასა და გიორგი რურუას გათავისუფლებამდე არც მისულა.

„ცუდია, რომ ნამდვილად, ჩვენ ცივილიზებულ ფორმას ვერ ვნახულობთ ერთმანეთთან სასაუბროდ ოპოზიცია და ხელისუფლება და მიუხედავად იმისა, რომ ჩვენი პარტნიორები არიან, გვჭირდება მედიაცია. გაცილებით ცუდია, როდესაც ევროპას ხელი უკრა ხელისუფლებამ და მე დარწმუნებული ვარ, ეს კვირა იქნება ძალიან მძიმე განცხადებების კვირა, შესაბამისად, ვწუხვარ მხოლოდ და მხოლოდ იმიტომ, რომ ჩემს ქვეყანას ეს პოლიტიკური კრიზისი კიდევ უფრო დააზიანებს, იმიტომ, რომ შეთანხმება არ შედგა. მე სიმართლეს გეტყვით და ეს დაადასტურეს ჩემმა მეგობრებმა, ვინც მოლაპარაკებებზე იყო - არც ერთ სასიცოცხლოდ მნიშვნელოვან საკითხამდე არ ყოფილა რეალური წინ გადადგმული ნაბიჯი „ქართული ოცნების“ მხრიდან. ყველა მორიგ დოკუმენტში, რომელსაც ურიგებდნენ მონაწილეებს ჩვენი ევროპელი და ამერიკელი მედიატორები, „ქართული ოცნების“ მიერ ფუძნდებოდა მხოლოდ ჰაერი და არაფერი კონკრეტული შეთანხმება, ანუ მარტივად რომ ვთქვათ, ჩვენ კონკრეტულად სასიცოცხლო საკითხებამდე, რასაც გულისხობდა პოლიტიკური პატიმრების გათავისუფლება და ვადამდელ არჩევნებზე თუნდაც სხვადასხვა ფორმულის განხილვა შინაარსობრივად, ამაზე ვერ მივედით,“- განაცხადა ხატია დეკანოიძემ.

მან ღრმა რწმენა გამოთქვა იმასთან დაკავშირებით, რომ ევროპა გააგრძელებს პროცესში თანამონაწილეობას და საერთაშორისო პარტნიორები ადეკვატურ შეფასებას გააკეთებენ.

„მე დარწმუნებული ვარ, ევროპა არსად წავა, ჩვენი საერთაშორისო პარტნიორები გააკეთებენ სრულიად ადეკვატურ შეფასებას. ყველაზე მნიშვნელოვანი არის ის, რომ კრისტიან დანიელსონმა ყველაზე კარგად იცის და მედიატორებმა თუ როგორ მიმდინარეობდა მოლაპარაკებები, მათი დამოკიდებულებაც ვიცით ჩვენ. ჩვენ რომ პოლიტიკური კრიზისის განმუხტვა გვინდა, ამაზე, მე მგონი, არაერთხელ გვისაუბრია, ის რომ პოლიტიკური პატიმრები უნდა გათავისუფლდნენ, იყო ის მნიშვნელოვანი წინაპირობა, რომელიც იყო სასიცოცხლოდ მნიშვნელოვანი და ასეთად რჩება ოპოზიციისთვის,“- განაცხადა დეკანოიძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს