ირაკლი ზარქუა - ნატალი საბანაძემ თავად დაწერა განცხადება გადადგომის შესახებ, ეტყობა სხვა მოსაზრებები ჰქონდა

„ნატალი საბანაძემ თავად დაწერა განცხადება გადადგომის შესახებ. ეტყობა სხვა მოსაზრებები ჰქონდა”, - ამის შესახებ საპარლამენტო უმრავლესობის წევრმა ირაკლი ზარქუამ ნატალი საბანაძის მიერ ევროკავშირში საქართველოს მისიის ხელმძღვანელის თანამდებობის დატოვებასთან დაკავშირებით განაცხადა.

ირაკლის ზარქუას თქმით, ელჩთან ერთად გაგრძელდება მუშაობა იმისთვის, რომ საქართველო 2024 წელს ევროკავშირის წევრობაზე განაცხადი გააკეთოს.

„მე პირადად არ ვიცნობდი, მაგრამ, რადგან ჩვენ ბრიუსელში გვყავდა ქალბატონი საბანაძე, ეს ნიშნავს, რომ ის აკეთებდა ყველაფერს იმისთვის, რომ ევროკავშირში საქართველო გაწევრიანებულიყო და წინ გადაგვედგა ნაბიჯი. რამდენადაც მე მაქვს ინფორმაცია, მან თავად დაწერა განცხადება გადადგომის შესახებ. ეტყობა სხვა მოსაზრებები ჰქონდა. ჩვენ ახალ ელჩთან, ვინც დაინიშნება, კიდევ უფრო მეტი ძალისხმევით და შემართებით ვიმუშავებთ ალბათ, რომ 2024 წელს საქართველომ ღირსებული განაცხადი გააკეთოს ევროკავშირის წევრობაზე”,- განაცხადა ზარქუამ.

ცნობისათვის, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირში საქართველოს მისიის ხელმძღვანელმა ნატალი საბანაძემ თანამდებობა დატოვა.

იხილეთ ვიდეო:ირაკლი ზარქუა - ნატალია საბანაძემ თავად დაწერა განცხადება გადადგომის შესახებ, ეტყობა სხვა მოსაზრებები ჰქონდა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს