ჯანდაცვის მინისტრი - საკმაოდ მაღალი რისკია იმის, რომ საქართველოში კორონავირუსით ინფიცირების მაჩვენებელი გაიზარდოს

ჯანდაცვის მინისტრის, ეკატერინე ტიკარაძის განცხადებით, იმის გათვალისწინებით, რომ მოქალაქეები ნაკლებად იყენებენ პირბადეს და სოციალურ დისტანცირებას ნაკლებად იცავენ, დღეს საკმაოდ მაღალი რისკია იმის, რომ საქართველოში კორონავირუსით ინფიცირების მაჩვენებელი გაიზარდოს. როგორც მან დღევანდელ ბრიფინგზე განაცხადა, სწორედ ამიტომ არის მნიშვნელოვანი ვაქცინაცია, რომელიც ნებაყოფლობითია.

„მნიშვნელოვანია, გავითვალისწინოთ ის ეპიდემიოლოგიური მდგომარეობა, რომელიც დღეს ქვეყანაშია. ჩვენდა სამწუხაროდ, ხშირად გვგონია, რომ ეს მონაპოვარი არ იყო დიდი შრომის ფასად და დაგვავიწყდა ის გამოვლილი პერიოდი, რომელიც ოქტომბერში, ნოემბერსა და დეკემბერში გვქონდა. მნიშვნელოვანია გავითვალისწინოთ, რომ იმ კომპრომისების საფუძვლად, რომელიც ჯანდაცვის სამინისტროს ეპიდემიოლოგების დაა დაავადებათა კონტროლის ცენტრის მხრიდან გადაიდგა, იმის საფუძვლად, რომ ჩვენი მოქალაქეები ნაკლებად იყენებენ პირბადეს და სოციალური დისტანცირება აღარ არის საზოგადოებაში იმდენად მნიშვნელოვანი, დღეს ჩვენ საკმაოდ მაღალი რისკი გვაქვს იმის, რომ ინფექციის მაჩვენებელი გაიზრდება. მნიშვნელოვანია, ჩვენმა მოქალაქეებმა გაიგონ ამის შესახებ, ასევე გაიაზრონ მსოფლიოს გამოცდილება, სადაც ვაქცინაციის პროცესი დადებითად მიმდინარეობს და მოქალაქეები აქტიურად არიან ჩართული ამ სირთულეების გადალახვაში“, - განაცხადა ტიკარაძემ.

მისი თქმით, ვაქცინაციის პროცესი ეტაპობრივად აქტიური გახდება.

„ვაქცინაცია არის ნებაყოფლობითი. ჩვენ ამის შესახებ არ ვმსჯელობთ, ჩვენ გვაქვს არაერთი ქვეყნის პრაქტიკა, სადაც ვაკვირდებოდით ვაქცინაციის დაწყების პროცესში საკმაოდ დაბალ აქტივობას და აქედან გამომდინარე, ჩვენ ამას მწვავედ არ ვაფასებთ. მივყვებით იმ გეგმას, რომელიც დასახული იყო და ეტაპობრივად პროცესი მეტად აქტიური გახდება“, - განაცხადა ტიკარაძემ.

იხილეთ ვიდეო:ჯანდაცვის მინისტრი - საკმაოდ მაღალი რისკია იმის, რომ საქართველოში კორონავირუსით ინფიცირების მაჩვენებელი გაიზარდოს

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს