ამირან გამყრელიძე - ინფიცირების რიცხვი ოდნავ იმატებს - ეს არ არის ნახტომისებური, მაგრამ ძალიან ფრთხილად უნდა ვიყოთ

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, ბოლო დღეების განმავლობაში საქართველოში გაიზარდა როგორც ახალი შემთხვევების რაოდენობა, ასევე ე.წ. გადადების მაჩვენებელი, რის გამოც „ძალიან ფრთხილად უნდა ვიყოთ”.

ამასთან, გამყრელიძე აცხადებს, რომ სხვა ქვეყნებში აცრილთა დღიური რაოდენობა თანდათან იზრდება და იმედოვნებს, რომ საქართველოშიც ასე იქნება. მისი თქმით, ქვეყანას საშუალება ექნება, რომ აპრილში 120-150 ათასი ადამიანი აიცრას.

„დეკემბერში, როდესაც დაიწყო ზოგიერთ ქვეყანაში ვაქცინაცია, ასეთი პროცესი იყო ყველგან - დღიურად რამდენიმე ათასის ფარგლებში. დღეს დღიურ აცრილთა რაოდენობა დაახლოებით 10 მლნ-ია და ეს თანდათან იზრდება. დარწმუნებული ვარ, ასე იქნება საქართველოშიც. იმიტომ, რომ აცრის სიკეთე ბევრად აჭარბებს რისკს, რაც შეიძლება აცრასთან მიმართებით დადგეს.

ბოლო დღეების განმავლობაში გაჩნდა რისკი - ყოველდღიური შემთხვევათა რიცხვი ოდნავ იმატებს. ეს არ არის ნახტომისებური მატება, მაგრამ იმატებს დადებითობის და ასევე ე.წ. გადადების მაჩვენებელი. აქედან გამომდინარე ძალიან ფრთხილად უნდა ვიყოთ. ეს ყველაფერი, რა თქმა უნდა, არის შემსუბუქების შედეგი. მაგრამ სერიოზული ზრდა არ არის. ეს რომ თავიდან ავიცილოთ, უნდა დავიცვათ რეკომენდაციები”,- განაცხადა გამყრელიძემ.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს