ენერგოომბუდსმენის აპარატი წყლის რესურსების დაცვის საერთაშორისო დღესთან დაკავშირებით ინფორმაციას ავრცელებს

22 მარტი წყლის რესურსების დაცვის საერთაშორისო დღეა. როგორც „ინტერპრესნიუსს“ ენერგოომბუდსმენის პრესსამსახურიდან აცნობეს, წყალმომარაგების მომსახურების ხარისხის გაუმჯობესება ერთ-ერთი გამოწვევა და მიმდინარე ამოცანაა, რომელიც ინფრასტრუქტურული ინვესტიციების განხორციელებით ეტაპობრივად მოწესრიგდება.

მათი ინფორმაციით, ენერგოომბუდსმენი სალომე ვარდიაშვილი საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანიასთან და სემეკის წევრებთან ერთად, შპს „ჯორჯია უოთერ ენდ ფაუერის“ და სამოქალაქო საზოგადოების წარმომადგენლებს შეხვდა.

„უკანასკნელი პერიოდის განმავლობაში სოციალურ ქსელებსა და ინტერნეტ მედიაში, ასევე მასობრივი ინფორმაციების საშუალებებით ვრცელდება არაერთი მომხმარებლის ინფორმაცია წყალმომარაგების კომპანიების არასათანადო მომსახურებასთან დაკავშირებით, როგორც დედაქალაქის მასშტაბით, ასევე რეგიონულ ქალაქებში. ერთ-ერთი ასეთი მასშტაბური გამოხმაურება დაფიქსირდა ქ. რუსთავშიც, სადაც არასამთავრობო ორგანიზაცია „რუსთავის სამოქალაქო ერთობამ“ ქ. რუსთავის მცხოვრებლებთან ერთად საპროტესტო განაცხადი წარადგინა შპს“ რუსთავის წყალში“. დღეს გამართულ შეხვედრაზე მომხმარებლებმა კიდევ ერთხელ დააფიქსირეს მომსახურების ხარისხთან დაკავშირებული პრობლემები და მოისმინეს კომპანიის მენეჯმენტის ახსნა-განმარტება თითოეულ შეკითხვასთან დაკავშირებით.

აღსანიშნავია, რომ საქართველოს ენერგეტიკისა და წყალმომარაგების მარეგულირებელი ეროვნული კომისია და ენერგოომბუდსმენის სამსახური ყურადღებით აკვირდება მედიასა და პრესაში გავრცელებულ ინფორმაციებს ენერგეტიკის სექტორში არსებული პრობლემების შესახებ და დიდ ყურადღებას უთმობს თითოეული შემთხვევის მოწესრიგებას. წყალმომარაგების მომსახურების ხარისხის გაუმჯობესება არის ერთ-ერთი გამოწვევა და მიმდინარე ამოცანა, რომელიც ეტაპობრივად მოწესრიგდება ინფრასტრუქტურული ინვესტიციების განხორციელებით. ენერგოომბუდსმენის სამსახური მუდმივად მზად არის დაიცვას მომხმარებელთა ინტერესები თითოეულ კონკრეტულ შემთხვევასთან დაკავშირებით“,-აღნიშნულია ენერგოომბუდსმენის სამსახურის მიერ გავრცელებულ ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით