თუ ისე გავივლით მარტსა და აპრილს, როგორც ახლა მივდივართ, მესამე ტალღას ავცდებით, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ჟურნალისტებს განუცხადა.
როგორც ის აღნიშნავს, მესამე ტალღის რისკი არსებობს.
„მესამე ტალღის რისკი არის. თუ არ დავიცავთ რეკომენდაციებს და დაწესებულ რეგულაციებს, მესამე ტალღის რისკი არსებობს“,- განაცხადა გამყრელიძემ.
ამასთან, მისი თქმით, მესამე ტალღას ამ ეტაპზე არა ვაქცინაცია, არამედ პირბადის ტარება და სოციალური დისტანცია შეაჩერებს.
„მესამე ტალღას ამ ეტაპზე შეაჩერებს პირბადე. ასევე უფრო მეტად უნდა დავიცვათ დისტანცია, მოვერიდოთ თავშეყრას. ვაქცინაცია კარგია, მაგრამ მას დაუყოვნებელი ეფექტი არ აქვს“,- განაცხადა გამყრელიძემ.