ლევან იოსელიანი - ის დრო წავიდა, რომ ვიღაცას ფუფუნება ჰქონდეს, სატელიტური ოპოზიცია იყოს - გამოჩნდება ბატონი გახარია როგორ ოპოზიციონერობას გადაწყვეტს

„მოქალაქეების“ ერთ-ერთი ლიდერის, ლევან იოსელიანის განცხადებით, ახალი პოლიტიკური ძალის შექმნა მისასალმებელია, რადგან ამით პოლიტიკური ლანდშაფტი უფრო საინტერესო გახდება.

იოსელიანის თქმით, „გამოჩნდება, როგორ ოპოზიციონერობას გადაწყვეტს გიორგი გახარია”.

„ერთი რამე შემიძლია ვთქვა ნამდვილად, ძალიან საინტერესო იქნება გახარია თუ მისი პოლიტიკური პარტია, როგორ იქნება ოპოზიციაში. ჩვენი მოქალაქეები ნამდვილად ანსხვავებენ ერთმანეთისგან ვითომ ოპოზიციას, ხელოვნურად შექმნილ ოპოზიციას და იმას, თუ ვინ არის რეალურად ოპოზიციაში.

მგონი, ის დრო წავიდა, რომ ვიღაცას ის ფუფუნება ჰქონდეს, შეფარული ან სატელიტური ოპოზიცია იყოს. გამოჩნდება ბატონი გახარია როგორ ოპოზიციონერობას გადაწყვეტს. ცალსახად მივესალმები იმ ფაქტს, თუ ახალი პოლიტიკური ძალა შეიქმნება. ამით პოლიტიკური ლანდშაფტი გახდება უფრო საინტერესო”,- აღნიშნა იოსელიანმა.

შეკითხვაზე, შესაძლოა თუ არა, გიორგი გახარია გახდეს მესამე ძალა პოლიტიკაში, იოსელიანმა განაცხადა, რომ ცალკე აღებულ პარტიას ეს არ შეუძლია.

„მეეჭვება, რომ ვიღაცამ შეძლოს ამ მესამე ძალის მანტიის მორგება. მე უფრო მგონია, რომ საბოლოოდ, მესამე ძალა უნდა იყოს ოპოზიციური პარტიების კოალიცია, იმიტომ, რომ ერთ რომელიმე პარტიას ძალიან გაუჭირდება ამ ტვირთის თავის თავზე აღება”,- განაცხადა იოსელიანმა.

ცნობისთვის, ყოფილმა პრემიერ - მინისტრმა, გიორგიმ გახარიამ დღეს განაცხადა, რომ ის პოლიტიკიდან წასვლას არ აპირებს.

„არსად წასვლას არ ვაპირებ, უფრო მეტიც, არც პოლიტიკიდან წავალ“, - განაცხადა გიორგი გახარიამ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“