23 მარტს, პარლამენტში, შერიგებისა და სამოქალაქო თანასწორობის საკითხებში სახელმწიფო მინისტრს თეა ახვლედიანს მოუსმენენ. ახვლედიანი ტერიტორიული მთლიანობის აღდგენის დროებითი კომისიის და დარგობრივი ეკონომიკისა და ეკონომიკური პოლიტიკის კომიტეტის ერთობლივ სხდომაზეა მიწვეული.
სახელმწიფო მინისტრი მთავრობის სამშვიდობო ინიციატივის “ნაბიჯი უკეთესი მომავლისკენ“ საფუძველზე მიღებულ კანონთა განხორციელების თაობაზე ისაუბრებს. თეა ახვლედიანის მოსმენა 13:00 საათზე დაინიშნა.