პრეზიდენტის ყოფილი მრჩეველი გიორგი აბაშიშვილი ყოფილი პრემიერ-მინისტრის, გიორგი გახარიას დღევანდელ განცხადებას ეხმაურება, რომლის მიხედვითაც, ის პოლიტიკიდან წასვლას არ აპირებს.
აბაშიშვილის განმარტებით, გიორგი გახარიას გამოცდილება ქვეყანას სჭირდება.
„გული დამწყდა მის წასვლაზე პრემიერობიდან, მაგრამ მიხარია დღეს მოსმენილი განცხადება. ვფიქრობ, ის პოლიტიკაში უნდა დარჩეს, მისი გამოცდილება ქვეყანას სჭირდება. მე, როგორც ყოფილ საჯარო მოხელეს, რამდენჯერაც გიორგისთან ურთიერთობა მქონია, ყოველთვის სახელმწიფოს სასარგებლოდ გადაწყვეტილა საკითხები.
ამავდროულად, დარწმუნებული ვარ, თვითონვე გაიხსენებს, თუ რამდენ საკითხში გვქონდა უთანხმოება, თუმცა, რამდენი თემა ისე შეგვიჯერებია, რომ ქვეყნისთვის, ქვეყნის იმიჯისთვის სწორი ყოფილიყო. სია გრძელია, აქ ვერ ჩამოვთვლი, მე გიორგის წარმატებებს ვუსურვებ!”, - წერს სოციალურ ქსელში გიორგი აბაშიშვილი.