გიორგი ხოჯევანიშვილი - გიორგი გახარიასთან პოლიტიკურ საკითხებზე კონსულტაცია არ მქონია, ძველი სამსახურიდან გამომდინარე, კარგი თანამშრომლობა და მეგობრობა მაკავშირებს

პოლიტიკურ საკითხებზე გიორგი გახარიასთან რაიმე კონსულტაცია არ მქონია. გიდასტურებთ, რომ ჩემი ძველი სამსახურიდან გამომდინარე, დღეის ჩათვლით, მასთან კარგი თანამშრომლობა, მეგობრობა მაკავშირებს, - ამის შესახებ საპარლამენტო უმრავლესობის წევრმა გიორგი ხოჯევანიშვილმა ჟურნალისტებთან განაცხადა.

მისივე თქმით, ზუსტი თარიღი არ ახსოვს, თუმცა, მასთან რამდენიმე დღის წინ იკონტაქტა.

"ვრცლად ამ საკითხებთან დაკავშირებით ვერ ვისაუბრებ, შემიძლია გითხრათ მხოლოდ ის, რაც ბატონმა გახარიამ ბრძანა, რომ ჩვენ ყველა ვიქნებით მოწმეები, იმ საკითხებზე საუბრის, რომელსაც თვითონ ბატონი გიორგი ჩათვლის საჭიროდ მოგვიანებით და როგორც თვითონ ბრძანა, ექნება ამასთან დაკავშირებით ვრცელი საუბარი. დეტალებზე რომ მქონდეს ინფორმაცია მაინც არ ვისაუბრებდი, იქიდან გამომდინარე, რომ გიორგი გახარიამ მოკლედ თვითონ ისაუბრა და ალბათ, მომავალში როცა საჭიროდ ჩათვლის ვრცლად ისაუბრებს ამ საკითხებზე. მე შემიძლია, გითხრათ, რომ პოლიტიკურ საკითხებზე მასთან კონსულტაციები არ გამივლია, შესაბამისად, ამ საკითხზე მეტს ვერ მოგახსენებთ", - განაცხადა ხოჯევანიშვილმა.

კითხვაზე, შემოთავაზების შემთხვევაში, ექნება თუ არა სურვილი გახარიასთან თაბამშრომლობის, ხოჯევანიშვილი აღნიშნავს, რომ "თეორიულ საკითხებზე საუბარი არ უყვარს", ხოლო თუ მასთან კონსულტაცია ექნება, მედია ამის შესახებ შეიტყობს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა