ალეკო ელისაშვილი NDI-ის კვლევაზე - ლოგიკურია, პარლამენტი არის ერთგან, პოლიტიკური პროცესი მეორეგან, ხალხი მიტოვებულია პრობლემებთან

პარლამენტი არის ერთგან, ხალხის პრობლემები მეორეგან, რადგან "ქართული ოცნება“, ვიცით, რომ აცდენილია ხალხის პრობლემებს და იმ დაბურული ჯიპებიდან ძალიან სხვანაირად - უფრო ლამაზად ჩანს რეალობა,- ამის შესახებ "მოქალაქეების" ლიდერმა ალეკო ელისაშვილმა ჟურნალისტებთან NDI- ის კვლევის შედეგების კომენტირებისას განაცხადა.

ელისაშვილის თქმით, თავად მუდმივად ცდილობენ, პარლამენტში მოსახლეობის პრობლემები გაახმოვანონ.

"ლოგიკურია, რომ პარლამენტი არის ერთგან, პოლიტიკური პროცესი მეორეგან და ხალხი არის მიტოვებული თავის პრობლემებთან. ჩვენ ორი ადამიანი ვცდილობთ პარლამენტში ისმოდეს ხალხის პრობლემები, სულ ვცდილობთ მათგან რა გასაჭირიც გვესმის, ამაზე ვისაუბროთ. მაგალითად, ხვალ ძალიან საინტერესო პრესკონფერენცია გვექნება პენსიებთან დაკავშირებით და ვიტყვით, რა ყაჩაღური სქემა აქვს შემუშავებული "ლიბერთი ბანკს" და როგორ შეიძლება ეს სქემა დაინგრეს, რომ პენსიონერებმა შვება იგრძნონ და არ ძარცვავდეს ეს ბანკი და ა.შ. ხალხის განწყობაც ადასტურებს, ეს არის შესაცვლელი, რომ პოლიტიკა, პოლიტიკოსები და პოლიტიკური ინსტიტუციები უნდა იყოს ხალხის სამსახურში და არ უნდა იყოს მარტო თავის ოჯახური კეთილდღეობის მოწყობისთვის. პარლამენტი არის ერთგან, ხალხის პრობლემები მეორეგან, რადგან „ქართული ოცნება“ვიცით, რომ აცდენილია ხალხის პრობლემებს და იმ დაბურული ჯიპებიდან ძალიან სხვანაირად - უფრო ლამაზად ჩანს რეალობა, ვიდრე სინამდვილეშია, ამიტომაც ოპოზიციაც სრულად უნდა იყოს წარმოდგენილი და ყველამ თავის წილ დარდზე და ხალხის პრობლემებზე ვისაუბროთ", - განაცხადა ელისაშვილმა.

ცნობისათვის, “ეროვნულ-დემოკრატიული ინსტიტუტის“ (NDI)-ის კვლევის მიხედვით, გამოკითხულთა 14% პარლამენტის საქმიანობას დადებითად აფასებს, 38% საშუალოდ, 36 % კი ცუდად.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება