ჯანდაცვის მინისტრის მოადგილე თამარ გაბუნია, სახელფასო დავალიანების შესახებ უწყების ცხელი ხაზის - 15 22-ის თანამშრომლების ნაწილის ინფორმაციას ეხმაურება და აცხადებს, რომ ისინი კუთვნილ ანაზღაურებას მიიღებენ.

ამასთან, როგორც გაბუნიამ აღნიშნულ საკითხზე კომენტირებისას ჟურნალისტებს განუცხადა, ჯანდაცვის სამინისტროს ცხელი ხაზის რეორგანიზაცია მიმდინარეობს, რასთან დაკავშირებული პროცედურული საკითხებიც კვირის ბოლომდე დასრულდება.

რაც შეეხება ინფორმაციას, რომ გუშინ 15 22-ის ოპერატორების დიდი ნაწილი გაიფიცა, მინისტრის მოადგილის თქმით, „ამას პროტესტს ვერ დაარქმევდა და მიმდინარეობს შიდა სამუშაოები“.

„15-22 მთავარი ხაზია, სადაც ვაქცინაციისთვის უნდა მიიღოს მოქალაქემ ინფორმაცია. არცერთი შეტყობინება იმის შესახებ, რომ გუშინ, ან დღეს რომელიმე მოქალაქემ ვერ მიიღო ინფორმაცია, არ მოსულა ჩვენამდე. გარკვეული რეორგანიზაცია ცხელი ხაზის ნაწილში მოხდა, პროცედურული საკითხების მოგვარება კვირის ბოლომდე დასრულდება. ყველა თანამშროემლი მიიღებს იმ ანაზღაურებას, რაც მის მიმ მიმართ აქვს სამედიცინო პოდიუმს“, - განაცხადა მინისტრის მოადგილემ.

შეგახსენებთ, რომ საქართველოს ჯანდაცვის სამინისტროს ცხელი ხაზის - 15 22- ის თანამშრომლის ინფორმაციით, თებერვლის თვის სახელფასო ანაზღაურება ჯერ კიდევ არ მიუღიათ, რის გამოც გუშინ თანამშრომლების დიდი ნაწილი გაიფიცა.

იხილეთ ვიდეო:თამარ გაბუნიას განცხადებით, ჯანდაცვის სამინისტროს ცხელი ხაზის - 15 22-ის რეორგანიზაცია მიმდინარეობს, თანამშრომლები კი კუთვნილ ანაზღაურებას მიიღებენ