ლანა გალდავა - ხელისუფლების დიდ უმრავლესობას ნარიშკინის და დუგინის უფრო ესმის, ვიდრე სტრატეგიული პარტნიორების და მეგობრების

საქართველოს პოლიტიკური დღის წესრიგი გადატვირთვას და ქვეყნის საუკეთესო ინტერესების დასაცავად, პოლიტიკური შეთანხმების მიღწევას საჭიროებს, - ამის შესახებ პარტია „ლელოს“ ერთ-ერთმა წევრმა ლანა გალდავამ განაცხადა.

მან აშშ-ის სენატში გუშინ გამართული მოსმენა შეაფასა და აღნიშნა, რომ სენატორების მხრიდან საკმაოდ მკვეთრი გზავნილები გაჟღერდა, რასაც ხელისუფლებამ ყურადღება უნდა მიაქციოს.

„სენატორებმა გვითხრეს, რომ ფინანსური დახმარება ვერ გაგრძელდება, თუ პროგრესი არ იქნება, რომ საარჩევნო ადმინისტრაცია უვარგისია და საარჩევნო რეფორმაა საჭირო. არჩევნების შეფასების ნაწილში გაჟღერდა ტერმინი “ლეგიტიმურობის ზღურბლი". ასევე შეგვახსენეს, რომ დემოკრატიული არჩევნებისთვის აუცილებელია სამართლიანი და ძლიერი მექანიზმები, რომ გვყავს კლანური სასამართლო და იუსტიციის საბჭო, რომ იგრძნობა ოლიგარქიული გავლენა მართლმსაჯულებაზე, მედიაზე, პოლიტიკურ ცხოვრებაზე და ბოლოს, ციხეში ოპოზიციონერების ყოველი ახალი დღე რუსეთის გამარჯვებაა.

ვიცით, რომ საქართველოს ხელისუფლების დიდ უმრავლესობას სერგეი ნარიშკინის და ალექსანდრე დუგინის უფრო ესმის, ვიდრე სტრატეგიული პარტნიორების და მეგობრების, მაგრამ ვურჩევ, სანამ ქვეყანა ბოლომდე უფსკრულში არ გადაუჩეხავთ, საქართველოს ეროვნული ინტერესების ფარგლებში დასავლური ღირებულებებისკენ და ევროატლანტიკურ სტრუქტურებში ინტეგრაციისკენ ორიენტირდნენ.

საქართველოს პოლიტიკური დღის წესრიგი გადატვირთვას და ქვეყნის საუკეთესო ინტერესების დასაცავად, პოლიტიკური შეთანხმების მიღწევას საჭიროებს“,-განაცხადა გალდავამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით