ლევან ნატროშვილი - იმედს ვიტოვებ, რომ მმართველი პარტია გაიზიარებს ვენეციის კომისიის შეხედულებებს და კანონპროექტებს გაიწვევს უკან

იმედს ვიტოვებ, რომ მმართველი პარტია გაიზიარებს ვენეციის კომისიის შეხედულებებს და ამ კანონპროექტებს გაიწვევს უკან, - ამის შესახებ „საერთაშორისო გამჭვირვალობა - საქართველოს“ წარმომადგენელმა ლევან ნატროშვილმა ვენეციის კომისიის დასკვნის შეფასებისას განაცხადა, რომელიც საარჩევნო კოდექსში, ორგანულ კანონში ”მოქალაქეთა პოლიტიკური გაერთიანების შესახებ” და პარლამენტის რეგლამენტში ცვლილებების პროექტს ეხება.

ნატროშვილის თქმით, თუ აღნიშნულ რეკომენდაციებს არ გაითვალისწინებენ, სერიოზული პრობლემა იქნება და პოლიტიკურ პროცესებზე ნეგატიურ გავლენას მოახდენს.

„ვენეციის კომისიამ სრულიად გაიზიარა ის მოსაზრებები, რაც ჩვენც გვქონდა გამოხატული ამ კანონპროექტებთან დაკავშირებით და იგივე არგუმენტები მოიყვანა ამ კანონპროექტების დასაწუნად სწორედ, რაც თვალსაჩინო იყო. ორივე ნაწილში, დაფინანსების შეწყვეტის ნაწილში და ასევე, პარტიის რეგისტრაციიდან მოხსნის ნაწილში, მიიჩნია როგორც არაპროპორციული ზომები პარტიების წინააღმდეგ და მათი აზრით, შემოთავაზებული კანონპროექტები არ შეესაბამება ევროპის საბჭოს ქვეყნებში არსებულ კარგ პრაქტიკას და ასევე, საქართველოს კონსტიტუციასაც ეწინააღმდეგება. რეკომენდაცია არის, რომ გადაიხედოს კანონპროექტები და იმედს ვიტოვებ, რომ გაიზიარებს მმართველი პარტია ვენეციის კომისიის შეხედულებებს და ამ კანონპროექტებს გაიწვევს უკან. ჩვენ ვერ ვხედავთ ვერანაირ საფუძველს იმისა, რომ ეს კანონპროექტები იყოს მიღებული”,- განაცხადა ნატროშვილმა.

ცნობისთვის, ვენეციის კომისიისა და ეუთო/ოდირის დასკვნაში აღნიშნულია, რომ პოლიტიკური პარტიების და არა ცალკეული დეპუტატების სანქცირება დაფინანსების 6 თვით შეწყვეტის სახით იმ შემთხვევაში, თუ ისინი საპარლამენტო სხდომებისა და სესიების დიდ ნაწილს არ დაესწრებიან, არაპროპორციულად აღიქმება და წინააღმდეგობაში მოდის პარლამენტის რეგლამენტთან. როგორც კომისიის დასკვნაშია აღნიშნული, არაპროპორციულად აღიქმება საპარლამენტო რეგლამენტის შესწორების საკითხიც, რომელიც იმავე შემთხვევაში დეპუტატის ანაზღაურების დაქვითვას ითვალისწინებს.

ამასთან, ვენეციის კომისია ლიდერის უცხო ქვეყნის მოქალაქეობის გამო, პარტიის რეგისტრაციიდან მოხსნას „არაპროპორციულ ზომად“ მიიჩნევს და „ქართულ ოცნებას“ მიმართავს, კანონპროექტის მიღების საკითხს გადახედოს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს