რელიგიის საკითხთა სააგენტომ ბრაილის შრიფტით დაბეჭდილი ძველი აღთქმის მეორე კანონიკური წიგნის „წიგნი გამოსვლათა (გამოსვლა)“ პრეზენტაცია გამართა

დღეს საქართველოს მთავრობის ადმინისტრაციაში, რელიგიის საკითხთა სახელმწიფო სააგენტომ სოციალური პროექტის, ბრაილის შრიფტით დაბეჭდილი ძველი აღთქმის მეორე კანონიკური წიგნის, „წიგნი გამოსვლათა (გამოსვლა)“, პრეზენტაცია გამართა, რომელსაც საქართველოში არსებული რელიგიური ორგანიზაციების ლიდერები, საქართველოს უსინათლოთა კავშირის წარმომადგენლები, უსინათლო და მხედველობა დაქვეითებულთა 202-ე საჯარო სკოლა-პანსიონის პერსონალი დაესწრნენ.

როგორც „ინტერპრესნიუსს“ რელიგიის საკითხთა სახელმწიფო სააგენტოდან აცნობეს, პრეზენტაციის მონაწილეებს რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე მიესალმა, რომელმაც ხაზი გაუსვა გამოცემის მნიშვნელობას და აღნიშნა, რომ სააგენტო ეცდება, დააკმაყოფილოს უსინათლოთა საზოგადოების წარმომადგენელთა თხოვნა და ბიბლიის შემდეგი წიგნების გამოცემა დაჩქარდეს.

„სააგენტო მეოთხე წელია ახორციელებს სოციალურ პროექტს - ბრაილის შრიფტით ბეჭდავს ინტერრელიგიურ კალენდარს, რითაც სრულად აკმაყოფილებს მომხმარებელთა მოთხოვნილებას. ასევე, პერიოდულად ეხმარება 202-ე სკოლა-პანსიონს. ბიბლიის ბრაილის შრიფტით დაბეჭდვის იდეაც ბავშვებს უკავშირდებათ, გამოკთხვის თანახმად, უსინათლო და მხედველობა დაქვეითებულმა ბავშვებმა სწორედ ბიბლიის ბრაილის შრიფტით წაკითხვის სურვილი გამოთქვეს. შარშან რელიგიის სააგენტომ გამოსცა ბიბლიის პირველი თავი - დაბადება. „წიგნი გამოსვლათა (გამოსვლა)“ კი ძველი აღთქმის ხუთწიგნეულისა და ბიბლიის მეორე კანონიკური წიგნია, რომელიც ისრაელი ხალხის ეგვიპტეში ტყვეობიდან დახსნის ამბავს მოგვითხრობს“,-აღნიშნულია გავრცელებულ ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ