დღეიდან, მცირე და საშუალო ბიზნესის წარმომადგენლებს, სავაჭრო პალატის ვებ-გვერდზე სერვისების ველში, პალატის მიერ გამზადებული, სხვადასხვა ტიპის ხელშეკრულებების ფორმების გადმოწერა შესაბამისი ბმულის საშუალებით https://gcci.ge/ka/service/pro-forma-kontraktebi-22 შეეძლებათ.
საქართველოს სავაჭრო პალატის ცნობით, პროექტის მიზანია, ხელი შეუწყოს მეწარმეებს მათი საქმიანობის განვითარებაში.
„მეწარმეები შეძლებენ გამოიყენონ კვალიფიციური იურისტების მიერ შემუშავებული ნასყიდობის, მომსახურების, იჯარის და სხვა ტიპის ხელშეკრულებების ფორმები,რაც მნიშვნელოვნად გაადვილებს მათ ყოველდღიურ საქმიანობასა და უზრუნველყოფს რესურსების დაზოგვას.
პროექტი საქართველოს სავაჭრო პალატის, მიუნხენისა და ზემო ბავარიის სავაჭრო-პალატის, გაეროს განვითარების პროგრამისა და ევროკავშირის ფინანსური მხარდაჭერით განხორციელდა“, - აღნიშნულია ინფორმაციაში.