ევროინტეგრაციის კომიტეტის თავმჯდომარე მაკა ბოჭორიშვილი უარყოფს გავრცელებულ ინფორმაციას, რომლის თანახმად, მისი კანდიდატურა ევროკავშირში საქართველოს ელჩის თანამდებობაზე განიხილება.
„აღნიშნულ საკითხს არ განვიხილავ, არ განიხილება, ვინაიდან რამდენიმე თვის წინ მივიღე გადაწყვეტილება ჩამოვსულიყავი საქართველოში, შევერთებოდი „ქართულ ოცნებას", ჩვენი ქვეყნის ევროკავშირში ინტეგრაციისთვის მუშაობა გამეგრძელებინა თბილისიდან, საქართველოდან. შესაბამისად, ამ გადაწყვეტილების შეცვლას არ ვაპირებ და არ განიხილება,"- განაცხადა ბოჭორიშვილმა ჟურნალისტებთან.
შეგახსენებთ, ნატალი საბანაძემ ელჩის თანამდებობა 21 მარტს დატოვა.