დავით ზალკალიანი - სრული სისულელეა, რომ ასოცირების დღის წესრიგს შეგვიჩერებენ - ბრიუსელში ასეთი რამ არ განხილულა და არც იქნება

საგარეო საქმეთა მინისტრის დავით ზალკალიანის განცხადებით, ევროპული საბჭოს პრეზიდენტის შარლ მიშელის პირადი წარმომადგენლის კრისტიან დანიელსონის ბრიუსელში დაბრუნების შემდეგ, საქართველოსთვის ასოცირების დღის წესრიგის გადახედვაზე საუბარი არ ყოფილა.

როგორც მან „პალიტრანიუსის“ გადაცემაში „დღის ნიუსრუმი“ განმარტა, ასოცირების დღის წესრიგის შეჩერებაზე საუბარი საზოგადოების შეცდომაში შეყვანის კიდევ ერთი მცდელობაა.

ამასთან, ზალკალიანის თქმით, წელს ასოცირების შეთანხმების იმპლემენტაციამ უმაღლესი შეფასება მიიღო.

„ვინც ამას ამტკიცებს და ბმას აკეთებს ასოცირების შეთანხმების შეწყვეტასთან დაკავშირებით, არ მინდა ცუდი რამ გამოვიყენო, მაგრამ მხოლოდ და მხოლოდ მავნებლობა და საკუთარი ქვეყნის წინააღმდეგ სვლაა, მეტი არაფერი, რადგან მსგავსი რამ არ განხილულა და არც იქნება.

უშუალოდ მივიღე მონაწილეობა პრემიერ-მინისტრთან ერთად ერთ-ერთ ყველაზე წარმატებულ ევროკავშირი-საქართველოს ასოცირების საბჭოს სხდომაში, ეს მეექვსე სხდომა იყო. წინა პრაქტიკიდან გამომდინარე, ჩემი გამოცდილება მაძლევს იმის თქმის საფუძველს, რომ ასეთი შინაარსიანი, კარგი, გამორჩეული საბჭო ჩვენ არ გვქონია. ეს რომ ასეა, ნახეთ ტექსტი, ერთობლივი დეკლარაცია, რომლის წაკითხვაც ყველაფერს ნათელს მოჰფენს. ჩვენი ევროპელი პარტნიორები სრულად უჭერენ მხარს იმ რეფორმებს, რომელსაც ქვეყანა ახორციელებს როგორც დემოკრატიული ინსტიტუტების განხორციელების თვალსაზრისით, ასევე უსაფრთხოების, პოლიტიკური თანამშრომლობის, ღრმა და ყოვლისმომცველი თავისუფალი ვაჭრობის შესრულების თვალსაზრისით. ასოცირების შეთანხმების იმპლემენტაციამ უმაღლესი შეფასება მიიღო, ყველაზე პოზიტიური მას შემდეგ, რაც ასოცირების შეთანხმებას ხელი მოვაწერეთ. ამიტომ, სრული სისულელეა ის, რომ ასოცირების დღის წესრიგს შეგვიჩერებენ. ეს საზოგადოების შეცდომაში შეყვანის კიდევ ერთი მცდელობაა.

რაც შეეხება დანიელსონის და მიშელის ჩართულობას, მივესალმებით, რომ ევროკავშირის უმაღლესი თანამდებობის პირი საქართველოში ჩამოვიდა და უშუალოდ მისი მონაწილეობით მოხდა მედიაცია. ეს მიანიშნებს იმას, თუ რაოდენ მაღალ დონეზეა ევროკავშირისთვის საქართველოს თემატიკა და რამდენად მნიშვნელოვანია მათთვის ქვეყანაში სტაბილურობა. ჩვენ ახლა იმის ფუფუნება არ გვაქვს, რომ გრძელვადიან პოლიტიკურ კრიზისში შევიდეთ. შეხედეთ რა ხდება ჩვენს გარშემო რეგიონში. უამრავი გამოწვევა, რომელიც ქვეყანას აქვს ეკონომიკის რეაბილიტაციის, პანდემიასთან ბრძოლის თვალსაზრისით, უსაფრთხოების კუთხით, ოკუპირებულ ტერიტორიებზე არსებული სიტუაციით, ჩვენ დაკავებული ვართ პარლამენტში შესვლა-არშესვლით და ვიღაცების დარწმუნებით, რომ პარლამენტში შედით. ეს არ არის სწორი და სამართლიანი შენი ქვეყნის მიმართ“,- განაცხადა ზალკალიანმა.

მან იმედი გამოთქვა, რომ ოპოზიციური სპექტრი ქვეყნის ინტერესებიდან გამომდინარე თამამ ნაბიჯებს გადადგამს და საპარლამენტო საქმიანობას დაუბრუნდება.

„იმედი მაქვს, ის საღი ძალა, რომელიც ოპონენტებს შორის არის და არა რადიკალური ფრთა, რომელსაც მძევლად უჭირავს დანარჩენი ოპოზიციური სპექტრი, შესაბამის დასკვნას გააკეთებს და ქვეყნის ინტერესებიდან გამომდინარე თამამ ნაბიჯებს გადადგამს. მერწმუნეთ, ამას ქართველი ხალხი, მათი ამომრჩეველი შესაბამისად დააფასებს და დაინახავს “, - განაცხადა ზალკალიანმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში