გიორგი სიორიძე - ვენეციის კომისიამ და ეუთო/ოდირმა „ქართულ ოცნებას" აკადემიური დიპლომატიით „სილა გააწნა"

ვენეციის კომისიამ და ეუთო/ოდირმა „ქართულ ოცნებას" ჩვეული აკადემიური დიპლომატიით „სილა გააწნა" და სარჩევნო კოდექსში, პოლიტიკურ გაერთიანებათა შესახებ კანონში და პარლამენტის რეგლამენტში შესატანი ის ცვლილებები, რომლებიც ბოიკოტში მყოფი პარტიებისთვის დაფინანსების შეწყვეტასა და უფასო საეთერო დროის უფლების ჩამორთმევას ეხება, მწვავედ გააკრიტიკა, - ამის შესახებ “ლელოს“ წევრმა გიორგი სიორიძემ განაცხადა.

მისი თქმით, საკანონმდებლო ცვლილებათა პაკეტი აშკარა წინააღმდეგობაშია საქართველოს კონსტიტუციასთან, დემოკრატიასთან და სამართლებრივი სახელმწიფოს პრინციპებთან.

„ქართულმა ოცნებამ" მიმართა ამ ევროპულ ინსტიტუტებს საკანონმდებლო ცვლილებათა პაკეტის შესაფასებლად, რომელიც აშკარა წინააღმდეგობაშია საქართველოს კონსტიტუციასთან, უპირატესად კი დემოკრატიისა და სამართლებრივი სახელმწიფოს პრინციპებთან. თებერვალში „ლელოს" ჰქონდა კომუნიკაცია ვენეციის კომისიისა და ეუთო/ოდირის ექსპერტებთან, რომლის მეშვეობითაც ჩვენს ევროპელ მეგობრებს კარგად გავაცანით ის პოლიტიკური და სამართლებრივი სინამდვილე, რომელიც საკითხის გარშემო არსებობს. „ოცნებას" გაგზავნილი ჰქონდა მხოლოდ ნაწილობრივი თარგმანი ცვლილებათა პაკეტისა, თუმცა ჩვენ ექსპერტები უზრუნველვყავით იმ დამატებითი მასალებით, რომელთა მეშვეობითაც მათ შეძლეს სრული სურათის დანახვა. ხაზგასმის ღირსია ის, რომ პარტიები მონაწილეობენ ხალხის ნების ჩამოყალიბებაში და ეს ხდება არა მხოლოდ საპარლამენტო დონეზე. შესაბამისად, გაუმართლებელია საპარლამენტო საქმიანობასთან დაფინანსებისა და უფასო საეთერო დროის მიბმა, რომელიც არა პარტიის ჯილდო, არამედ მისი ფუნქციების განხორციელებისათვის აუცილებელი საშუალებაა.

ამასთან, პოლიტიკური ბოიკოტი პირდაპირაა კანონმდებლობით რეგლამენტირებული და ეს არ შეიძლება გაიგივდეს საპარლამენტო საქმიანობის „საბოტაჟთან", როგორც ამას ცვლილებათა პაკეტის განმარტებით ბარათში ვკითხულობთ (რომლის თარგმანის გადაგზავნაც საჭიროდ არ ჩათვალა ხელისუფლებამ, თუმცა ჩათვალა და განახორციელა „ლელომ"). საერთო ჯამში, პროექტი შეფასდა როგორც „არაპროპორციული და დაუსაბუთებელი". ეს სამართლებრივი შეფასება კი პოლიტიკურად ითარგმნება, როგორც პოლიტიკური შანტაჟისა და ოპონენტების დასჯის ბერკეტის შექმნის მცდელობა”, - აღნიშნავს სიორიძე.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა