დავით ზალკალიანი გაეროს მიერ მიღებულ რეზოლუციაზე - დოკუმენტი ფოკუსირებულია ოკუპირებულ რეგიონში არსებულ მძიმე ჰუმანიტარულ სიტუაციაზე

გაეროს ადამიანის უფლებათა საბჭოს მიერ მიღებულ რეზოლუციას „თანამშრომლობა საქართველოსთან“ საგარეო საქმეთა მინისტრი დავით ზალკალიანი გამოეხმაურა.

მისი თქმით, აღნიშნული რეზოლუცია ფოკუსირებულია ოკუპირებულ რეგიონში არსებულ მძიმე ჰუმანიტარულ სიტუაციასთან და საერთაშორისო მექანიზმების წვდომასთან დაკავშირებით.

„წელს ჩვენ კიდევ ერთხელ მოვიპოვეთ დამატებით 48 ქვეყნის თანასპონსორობა ამ რეზოლუციაზე. ეს გასათვალისწინებელია იმ პირობებში, რომ როგორც შარშან, ისე წელს, რეზოლუციის მიღების წინა პროცესი მიმდინარეობდა პანდემიის ფონზე. რაც გარკვეულწილად სირთულეებთან არის დაკავშირებული. ფიზიკურად ვერ ვაწარმოებდით კამპანიას, მაგრამ მიუხედავად ამისა, ჩვენმა დიპლომატიურმა კორპუსმა მოახერხა საერთაშორისო თანამეგობრობის კონსოლიდაცია“,- განაცხადა დავით ზალკალიანმა.

როგორც მინისტრმა აღნიშნა, რეზოლუციის ტექსტში არის ახალი ელემენტები.

„ამ რეზოლუციაში პირველად არის დაფიქსირებული ოკუპაცია, ასევე ის რომ, რუსეთის ფედერაცია ახორციელებს ეფექტურ კონტროლს ოკუპირებულ ტერიტორიებზე“, - აცხადებს ზალკალიანი.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით