გეგმური სამუშაოების ჩატარების გამო, თბილისში, მოსახლეობის ნაწილს, 26 მარტს ელექტრომომარაგება დროებით შეეზღუდება.

როგორც „ინტერპრესნიუსს“ კომპანია „თელასიდან“ აცნობეს, შეზღუდვა ნაძალადევის რაიონის მოსახლეობას შეეხება.

კერძოდ, მათივე ინფორმაციით, გეგმური სამუშაოების გამო 13:00 საათიდან 17:00 საათამდე შეზღუდვა შეეხება ხუდადოვის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო და აცხადებს, რომ სამუშაოების დასრულების შემდეგ აბონენტებს ელექტრომომარაგება აღუდგება.