საქართველოში თურქეთის ელჩის ფატმა ჯერენ იაზგანის განცხადებით, საქართველო მედეგი ქვეყანაა რეგიონში. მან ბათუმის აეროპორტის ახალი ტერმინალის გახსნისას მადლობა გადაუხადა პროექტის მონაწილეებს.
„მიგვაჩნია, რომ საქართველო მედეგი ქვეყანაა რეგიონში და ძალიან მნიშვნელოვანია დაკავშირებადობის კუთხით. საქართველო გამჭვირვალე, ანგარიშვალდებული და პასუხისმგებლიანი ბიზნესის ადგილია. ამ სიტყვებით მინდა მადლობა გადავუხადო TAV ჰოლდინგს, ინჟინრებს, მშენებლებს, ხალხს, რომლებიც მომავალში ამ პროექტის ფარგლებში იმუშავებენ, მიიღებენ სტუმრებს სხვადასხვა ქვეყნიდან. დღეს ვხედავთ ისრაელიდან ჩამოსულ თვითმფრინავს, რაც იმას ცხადყოფს, რომ არა მხოლოდ რეგიონიდან, არამედ რეგიონის გარედანაც, ბათუმისკენ ხალხი მოემართება, საქართველოში მსახურობენ, ისვენებენ. მივესალმები ამ მნიშვნელოვან მიღწევას. ყველას ვულოცავ, ვინც ამ პროექტში წვლილი შეიტანა“,-განაცხადა ელჩმა.