საგანგებო სიტუაციების მართვის სამსახურმა ხულოში პროექტ "მოხალისეს" პრეზენტაცია გამართა

შინაგან საქმეთა სამინისტროს საგანგებო სიტუაციების მართვის სამსახურის წარმომადგენლები ხულოში ადგილობრივი მუნიციპალიტეტის წარმომადგენლებს შეხვდნენ და სამსახურის პროექტის "მოხალისეს" პრეზენტაცია გამართეს.

როგორც „ინტერპრესნიუსს“ საგანგებო სიტუაციების მართვის სამსახურიდან აცნობეს, მუნიციპალიტეტის შენობაში გამართულ ღონისძიებაზე პროექტის შინაარსი, არსებული გამოცდილება და სამომავლო გეგმები დეტალურად განიხილეს. შეხვედრას ესწრებოდნენ საგანგებო სიტუაციების მართვის სამსახურის სახანძრო-სამაშველო ძალებისა და მოხალისეთა მართვის სამმართველოს წარმომადგენლები. ღონისძიებაზე, ასევე, იმყოფებოდა ხულოს მუნიციპალიტეტის მერი ადგილობრივი ხელისუფლების წარმომადგენლებთან ერთად. „მოხალისე“ საზოგადოებრივი პროექტია, რომელიც სტიქიებისა და სხვა საგანგებო სიტუაციების ლიკვიდაციის პროცესებში მოხალისეთა ჩართულობას უზრუნველყოფს. პროექტის გახორციელება სამსახურმა 2019 წელს სამცხე-ჯავახეთის რეგიონიდან დაიწყო და დღეს უკვე მოხალისეთა საერთო რაოდენობა 235-ს შეადგენს. საპილოტე ვერსიის ფარგლებში, სახანძრო-სამაშველო განყოფილებისგან 90 კმ მანძილით დაშორებულ მოხეს მაღალმთიან თემს სახანძრო-სამაშველო მანქანა გადაეცა, რამაც თემში გაჩენილ ხანძარზე პირველადი რეაგირების დრო მნიშვნელოვნად გააუმჯობესა. უახლოეს მომავალში ანალოგიური პრაქტიკის დანერგვა ხულოს და აჭარის რეგიონის სხვა მუნიციპალიტეტებშიც იგეგმება. რეგიონში გაიმართება შეხვედრები მოსახლეობასთან და შერჩეული მოხალისეები გაივლიან სპეციალურ სწავლებას. მიმდინარე წლის ბოლომდე იგეგმება მოხალისეებისთვის ორი სპეციალური ავტომობილის გადაცემა“, - აღნიშნულია უწყების მიერ გავრცელებულ ინფორმაციაში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო