30 ახალგაზრდულ ორგანიზაციას კოვიდ უსაფრთხოების აღჭურვილობა გადაეცა

საქართველოს ახალგაზრდულ ორგანიზაციათა საბჭომ, ახალგაზრდული ორგანიზაციების გაძლიერების პროგრამის ფარგლებში, 30 ახალგაზრდულ ორგანიზაციას ევროპის კავშირის მიერ დაფინანსებული პროექტ „PARTICIPATION MATTERS”-ის ფარგლებში შეძენილი კოვიდ უსაფრთხოების აღჭურვილობა გადასცა. ამის შესახებ „ინტერპრესნიუსს“ ახალგაზრდულ ორგანიზაციათა საბჭოდან აცნობეს.

მათი ინფორმაციით, პროექტი “Participation Matters” მიზნად ისახავდა პროექტ „ახალგაზრდობა მნიშვნელოვანიას“ მონაწილე 30 ორგანიზაციის 90 წარმომადგენლის ციფრული უნარების გაუმჯობესებას, მათი კომპეტენციების ამაღლებას და ონლაინ ინსტრუმენტების ფლობის უზრუნველყოფას ციფრული მუშაობის სრულყოფისათვის, ასევე პირისპირი აქტივობების უსაფრთხო განხორციელებისათვის, კოვიდ უსაფრთხოების აღჭურვილობის გადაცემას.

„კოვიდ პანდემიისგან გამოწვეული არასტაბილური სიტუაციის გამო ახალგაზრდებისათვის პირისპირი აქტივობების განხორციელება საფრთხის შემცველია და საერთაშორისო თუ ადგილობრივი ორგანიზაციები უმეტესად საქმიანობას აგრძელებენ დისტანციურ რეჟიმში, რაც მოითხოვს ციფრული უნარების ფლობას, ამის უზრუნველსაყოფად ევროპის კავშირის დაფინანსებით დავიწყეთ პროექტი “PARTICIPATION MATTERS”, რომლის ფარგლებში ონლაინ სამუშაო შეხვედრები ციფრული ხელსაწყოების შესახებ ჩვენი პროექტის “ახალგაზრდობა მნიშვნელოვანია“-ს მონაწილე 30 ორგანიზაციის 90 წარმომადგენელს ჩაუტარდა, ამის პარალელურად კი 30 ახალგაზრდულ ორგანიზაციას ეტაპობრივად გადავეცით პროექტის ფარგლებში შეძენილი კოვიდ უსაფრთხოების ინვენტარი, რათა პირისპირი აქტივობების განხორციელებისას მაქსიმალურად შეძლონ უსაფრთხოების დაცვა“, - განაცხადა ორგანიზაციის ხელმძღვანელმა ნინო წულაიამ.

“საქართველოს ახალგაზრდულ ორგანიზაციათა საბჭოს” ცნობით, პროექტი სარგებლობს აღმოსავლეთ პარტნიორობის სამოქალაქო საზოგადოების ფორუმის "COVID-19" - ის სქემით და დაფინანსებულია ევროკავშირის მიერ, რათა შემსუბუქდეს “COVID-19”ის გავლენა რეგიონში.

როგორც ინფორმაციაშია აღნიშნული, “ახალგაზრდობა მნიშვნელოვანია” დაფინანსებულია სსიპ ახალგაზრდობის სააგენტოს მიერ, მილიონიანი ფონდის საგრანტო კონკურსის ll თემატური მიმართულების ფარგლებში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო