გიორგი ვაშაძე - რაც არ უნდა თქვას თალაკვაძემ და კობახიძემ, ყველამ კარგად იცის, რომ შარლ მიშელის დოკუმენტში არის რიგგარეშე არჩევნების და პოლიტპატიმრების საკითხი, ამის გარეშე შეთანხმება ვერ იარსებებს

„სტრატეგია აღმაშენებლის“ ლიდერის, გიორგი ვაშაძის განცხადებით, მიუხედავად „ქართული ოცნების“ წარმომადგენლების განცხადებებისა, პოლიტიკურ მხარეებს შორის არცერთი შეხვედრა პოლიტპატიმრებისა და რიგგარეშე არჩევნების საკითხის განხილვის გარეშე არ გაიმართება.

როგორც ვაშაძემ ჟურნალისტებს განუცხადა, ევროპული საბჭოს პრეზიდენტის შარლ მიშელის მიერ განსაზღვრულ დღის წესრიგში ეს საკითხებიცაა და მათ გარეშე შეთანხმება ვერ შედგება.

„ვწუხვარ, რომ პოლიტიკური კრიზისის მიუხედავად, „ქართული ოცნება“ „წითელი ხაზებით“ საუბრობს. ეს ძალიან კარგად მიუთითებს მათ მზაობას შეთანმხება-კონსენსუსთან დაკავშირებთ. რაც არ უნდა თქვას არჩილ თალაკვაძემ და ირაკლი კობახიძემ, ყველამ კარგად იცის, რომ შარლ მიშელის დოკუმენტში არის როგორც რიგგარეშე არჩევნების, ასევე პოლიტპატიმრების საკითხი. ამ ორივე თემაზე აუცილებლად უნდა მოხდეს შეთანხმება. ამ პუნქტების გარეშე შეთანხმება ვერ იარსებებს. ის დესტრუქციული ნაბიჯები, რაც „ქართულ ოცნებას“ აქვს, მიუთითებს, რომ დასავლეთთან ინტეგრაცია და ქვეყნის განვითარება კი არ აწუხებთ, არამედ მათ აწუხებთ ძალაუფლების შენარჩუნება და ქვეყნის ძარცვა.

რაც არ უნდა იძახონ მათ, ვერ იქნება ვერც ერთი შეხვედრა პოლიტპატიმრებისა და რიგგარშე არჩევნების საკითხის გარეშე. ეს განრიგი განსაზღვრულია შარლ მიშელის ვიზიტის დროს და ამ განრიგს ხელი მოაწერა მათმა პრემიერ-მინისტრმა“,- განაცხადა გიორგი ვაშაძემ.

ცნობისთვის, პარლამენტის თავმჯდომარის, არჩილ თალაკვაძის განცხადებით, „ქართული ოცნება“ ვადამდელ არჩევნებსა და ნიკა მელიასთან დაკავშირებულ პოზიციებს არც მოლაპარაკებების ახალი რაუნდის ფარგლებში გადახედავს. როგორც თალაკვაძემ ვადამდელ არჩევნებთან დაკავშირებით „პალიტრანიუსის“ გადაცემა „დღის ნიუსრუმში“ აღნიშნა, ხელისუფლება არ აპირებს, საკუთარი მხარდამჭერების არჩევანი გადაყაროს და ოპოზიციის უსაფუძვლო მოთხოვნას დაეთანხმოს.

იხილეტ ვიდეო:გიორგი ვაშაძე - შარლ მიშელის დოკუმენტში არის რიგგარეშე არჩევნების და პოლიტპატიმრების საკითხი, ამის გარეშე შეთანხმება ვერ იარსებებს

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება