საგანგებო სიტუაციების მართვის სამსახურში ნატო-საქართველოს არსებითი პაკეტის ფარგლებში სამუშაო შეხვედრა გაიმართა

შინაგან საქმეთა სამინისტროს საგანგებო სიტუაციების მართვის სამსახურში ნატო - საქართველოს არსებითი პაკეტის (NATO SNGP) ფარგლებში სამუშაო შეხვედრა გაიმართა. ამის შესახებ ინფორმაციას საგანგებო სიტუაციების მართვის სამსახური ავრცელებს. მათივე ცნობით, შეხვედრაზე თავდაცვის სამინისტროს, ეროვნული გვარდიის, სახელმწიფო უსაფრთხოების საბჭოს აპარატის და საგანგებო სიტუაციების მართვის სამსახურის წარმომადგენლებმა სამხედრო-სამოქალაქო თანმშრომლობის ფარგლებში კრიზისული სიტუაციების მართვის კონკრეტული მიმართულებები განიხილეს.

„უახლოეს მომავალში იგეგმება ნატოს ექსპერტთა ჯგუფის ვიზიტი საქართველოში ქართველ ტრენერთა მომზადების მიზნით. ასევე, დაიგეგმა ეროვნული გვარდიისა და საგანგებო სიტუაციების მართვის სამსახურის ერთობლივი სწავლებები საგანგებო სიტუაციების დროს სამხედრო სამოქალაქო თანამშრომლობის გაძლიერებისთვის. საგანგებო სიტუაციების მართვის სამსახურში გამართულ შეხვედრას სხვადასხვა უწყების წარმომადგენლებთან ერთად, ესწრებოდნენ საგანგებო სიტუაციების მართვის სამსახურის უფროსის მოადგილე ლევან ღირსიაშვილი, თავდაცვის ძალების ეროვნული გვარდიის სარდალი, გენერალი რომან ჯოხაძე და საქართველოს თავდაცვის ძალების ეროვნული გვარდიის უფროსის მოადგილე ლევან გუგენიშვილი. შეხვედრაზე, ასევე, იმყოფებოდა ნატო-ს ექსპერტი პიტერ კოს-კლაესონი“,- ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით