ირაკლი ბენდელიანი ნუცუბიძე-ვაშლიჯვრის ფერდობზე - თუ მოსახლეობის გაყვანა აუცილებელი იქნება, ევაკუაციის გეგმა გვაქვს

დედაქალაქის მერის მოადგილის, ირაკლი ბენდელიანის განცხადებით, ვაშლიჯვრის ფერდობზე მეწყრული პროცესები ჯერჯერობით მოსახლეობისთვის საშიშროებას არ წარმოადგენს, თუმცა თუ რეალური საფრთხე გაჩნდება, მერიას შესაბამის სამსახურებთან ერთად ევაკუაციის გეგმა უკვე აქვს.

როგორც ბენდელიანმა ბრიფინგზე აღნიშნა, მეწყერი ჯერ დასტაბილურებული არ არის და მერია ყველა შესაძლო სცენარისთვის მზად არის.

„ვაკვირდებით მეწყრული მასების გადაადგილებას, მათ სიჩქარეს. რამდენიმე ექსპერტის მიერ შედგენილია რამდენიმე ტექნიკური დოკუმენტი, ასევე მუდმივად მიმდინარეობს სამუშაო ჯგუფის შეხვედრები და გადაწყვეტილია, რომ ამ ეტაპზე იქ საფრთხე არ არის, მაგრამ თუ პროცესები გაუარესდება და რეალური საფრთხე იარსებებს მოსახლეობასთან მიმართებით, მზად ვართ, შესაბამისი სამსახურებთან ერთად ყველა საჭირო ღონისძიების ჩასატარებლად.

დაგეგმილი გვაქვს, რომ უშუალოდ ფერდს ბუნებრივი მდგომარეობა უნდა დავუბრუნოთ. ეს შექმნის წინაღობას თვითონ ამ მეწყერის გადაადგილებასთან მიმართებით. ამის შემდეგ ეს გადაადგილება იქნება მეტ-ნაკლებად უსაფრთხო და შემდგომ შეგვეძლება უშუალოდ მეწყერულ არეალში სამუშაოების დაწყება. შესაბამისი სამსახურების მიერ შედგენილია ევაკუაციის გეგმა. ამის გამოყენების აუცილებლობა დღეს არ არსებობს, თუმცა ბოლომდე მართვად სისტემასთან არ გვაქვს საქმე. მეწყერი ჯერ არ არის დასტაბილურებული და პროგრესირებს შესაბამისად, ყველა შესაძლო სცენარისთვის მზად ვართ.

გვაქვს კონკრეტული მონაცემი, რა შემთხვევაში შეიძლება ამ მეწყრულმა პროცესებმა მიიღოს მოსახლეობისთვის საფრთხის შემცველი მდგომარეობა. შესაბამისად თუ ამის აუცილებლობა არ დადგა, წინასწარ მოსახლეობის გაყვანა და მათთვის მინიმალური მოცულობის დისკომფორტის შექმნა, ჩვენი მიზანი არ არის. მაგრამ თუ დადგა ეტაპი, რომ აუცილებელი იქნება მოსახლეობის გაყვანა, გვაქვს ევაკუაციის კონკრეტული გეგმა და ამის მიხედვით ვიმოქმედებთ“,- განაცხადა ბენდელიანმა.

იხილეთ ვიდეო:ირაკლი ბენდელიანი ნუცუბიძე-ვაშლიჯვრის ფერდობზე - თუ მოსახლეობის გაყვანა აუცილებელი იქნება, ევაკუაციის გეგმა გვაქვს

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება