შპს „თბილისი ენერჯი” ფოლადის მილების შესყიდვაზე ტენდერს აცხადებს. ტენდერში მონაწილეობის მისაღებად პოტენციური მიმწოდებელი გარკვეულ კრიტერიუმებს უნდა აკმაყოფილებდეს.
როგორც „ინტერპრესნიუსს“ „თბილისი ენერჯიდან“ აცნობეს, სატენდერო განაცხადების წარდგენის ბოლო ვადაა - 2021 წლის 05 აპრილი, 18:00 საათი.
„შესასყიდი ფოლადის მილების ჩამონათვალი, რაოდენობა, სპეციფიკაცია, მიწოდების ადგილი, მიწოდების პირობები და ვადები მოცემულია სატენდერო დოკუმენტაციაში.
ტენდერში მონაწილეობის მისაღებად პოტენციური მიმწოდებელი უნდა აკმაყოფილებდეს შემდეგ მოთხოვნებს:
ა) გააჩნდეს გამოცდილება, რეპუტაცია შესასყიდი საქონლის შესაბამის ბაზარზე, აგრეთვე ფლობდეს ფინანსურ, მატერიალურ და შრომის რესურსებს შესყიდვის შესახებ ხელშეკრულებით გათვალისწინებული ვალდებულებების შესასრულებლად;
ბ) იყოს გადახდისუნარიანი, არ იმყოფებოდეს ლიკვიდაციის რეჟიმში, მის ქონებაზე არ იყოს დადებული ყადაღა, მისი სამეურნეო–ფინანსური საქმიანობა არ იყოს შეჩერებული საქართველოს მოქმედი კანონმდებლობით დადგენილი წესით;
გ) არ უნდა გააჩნდეს ბიუჯეტის და/ან საკრედიტო დაწესებულების ვადამოსული დავალიანება;
დ) არ უნდა იყოს შეტანილი შესაბამისი სახელმწიფო ორგანოს მიერ წარმოებულ შესყიდვებში მონაწილე არაკეთილსინდისიერ პირთა რეესტრში (შავი სია), რომელსაც არ აქვს გასული შესყიდვებში მონაწილეობის შეზღუდვის კანონმდებლობით განსაზღვრული ვადა;
ე) გააჩნდეს შესყიდვის ხელშეკრულების გასაფორმებლად საჭირო უფლებაუნარიანობა;
ვ) აკმაყოფილებდეს საქართველოს კანონმდებლობითა და საზოგადოების მიერ სატენდერო დოკუმენტაციით განსაზღვრულ სხვა მოთხოვნებს.
სატენდერო დოკუმენტაციის მიღება შესაძლებელია, მისამართზე: ქ. თბილისი, მიცკევიჩის ქ. №18ა, შესყიდვების სამსახური, სამუშაო დღეებში 09:00 საათიდან 18:00 საათამდე.დალუქულ კონვერტში მოთავსებული სატენდერო განაცხადი პოტენციურმა მიმწოდებლებმა უნდა წარადგინონ (გააგზავნონ) შპს “თბილისი ენერჯი”-ში შემდეგ მისამართზე: საქართველო, ქ. თბილისი, მიცკევიჩის ქ. №18ა, კანცელარია“, - აღნიშნულია ინფორმაციაში.
ამასთან, სატენდერო განაცხადების წარდგენის ბოლო ვადაა - 2021 წლის 05 აპრილი, 18:00 საათი.
სატენდერო განაცხადების კონვერტები სავარაუდოდ გაიხსნება 2021 წლის 06 აპრილს (პოტენციურ მიმწოდებლებს კონვერტების გახსნის ზუსტი თარიღი დამატებით ეცნობებათ), შემდეგ მისამართზე: საქართველო, ქ. თბილისი, ა. მიცკევიჩის ქ. №18ა.
დამატებითი ინფორმაციისა და ცნობების მიღება შესაძლებელია ტელ: 591021902 და ელექტრონული ფოსტის მისამართზე: jaba.tsitsishvili@te.ge